如果有感覺，一早做左情熊啦～ 精選

大家好，我叫樂樂，是一隻大熊貓。從小就由四川老家一個叫大自然的地方搬到海洋公園 : 一個有冷氣的偽大自然熊貓館，兩個地方不同的是後者缺乏一樣叫自由的東西，這好像是種不能吃但很重要的東西，這裡唯一可取的地方是竹葉都放在附近，讓我覺得很安穩，不需要任何的危機意識，要吃就吃，要睡就睡，方便得很，只要地方資源供應足夠，還可以什麼都不理低着頭繼續生活。
其實算算熊掌，我今年已經十歲了，由於最近冬去春來，春雨綿綿，實在很有愛的情調，弄得我也有點……春心動。

嘻，男熊嘛。

海洋公園方面也從探測熊貓生理狀況的精準儀器了解到我的身體狀況和荷爾蒙水平出現變化，特別為我精心準備……聽說會安排一個熊貓女同我多接觸，又會閉館一段時間，好讓我哋修成正果，造熊成功，令公園有一個新境象。

而當我充滿期待，望著圍欄打開之際……

什麼！？竟然又是老拍擋盈盈。
一副「唔咩係熊」嘅無奈表情取代了我本來的表情。

你問我，有熊女喎！差不多年紀喎！竹門對竹門喎！點解唔袋住先啊？

姐係咁，對左一隻熊貓咁多年，如果有感覺，一早做左情熊，而且已經生左一打半打做左爹哋啦，如果咁耐都無下文，再蠢都應該會有結論，一係我哋雙方無feel，一係我哋識得太耐，耐到似好朋友多過戀人，試問你還會跟識左咁多年既好朋友發生關係嗎？

無奈館員方面好似一直都狀況外，唔知係扮唔知定喺唔想改變現狀。好啦，如果你堅持每一次都係咁勉強焗我哋，我哋唯有將個事實繼續好似故事重演咁睇下得唔得啦，不過唔得唔好怪我哋囉。