玩大左！作故仔寫海洋公園死亡真相，網民：做假新聞發死人財太過份 精選

吾知大家有無留意上星期海洋公園發生左一件意外事故。21歲既張朝傑同女友去哈囉喂全日祭玩，張朝傑被發現係「活埋凶間」鬼屋入面昏迷，送院之後證實死亡。其實「活埋凶間」共有8個棺材，遊客訓係棺材幾秒之後，棺材就會以45度角向下傾斜，好似似玩滑梯咁落到下層，之後會有工作人員指示遊客繼續行，不過張朝傑起身之後就誤入左機械操作區，被其他正在滑下的棺材擊中，令到今次意外發生。

▲不過近幾日網上討論區就有網民為呢件事作左個故仔啦，叫「海洋公園死亡真相」，個標題非常有誤導性，小編第一下望到，都以為係一則關於呢件意外事故既最新新聞。

▲㩒入去一望，原來係用左海洋公園事故既包裝再加鹽添醋，作左個所謂既「真相」岀黎，如果事先吾知道海洋公園事故來龍去脈既情況下睇左呢篇故仔，的確有可能會信以為真。

▲但係一眾網友對呢篇故仔負評如潮，話寫既人嘩眾取寵，作假新聞誤導大家，而且發死人財太過份，有網友仲話要報警告個作者添。

事實上，小編都認同網民講法，有時候玩都吾係攞呢啲野黎玩，特別係死者發生呢個意外，佢既家人朋友已經好難過，何苦要係人哋傷口身上灑鹽，更何況，而家事故正係調查當中，作故仔作個咁嘅標題，難怪人地話你寫假新聞啦！

（圖片來源：網絡)
(海洋公園鬼屋死亡真相？！https://lihkg.com/thread/406051/page/1?ref=ios)