惡搞姚子羚，呢個年代拋開形象先可以成為另類女神！ 精選 推薦

姚子羚入行多年，先後都係TVB拍過多套劇集，個樣靚靚地演技都一直有進步，但演藝成績一直不上不下，雖然提名好多次萬千星輝頒獎典禮，不過暫時仍沒有收穫，差的是什麼？可能是機遇和爆紅的角色。近期TVB爆紅的電視劇集《同盟》姚子羚也有份演出，Sexy打女形象是新挑戰，不過觀眾好受落，再加埋剛剛出街的劇集《燦爛的外母》她也是主角之一，認真係今期螢幕霸屏，觀眾日日由八點半見姚子羚見到十點半！

• 同盟中的姚子羚和陳山聰是一對。

• 在燦爛的外母姚子羚首次挑戰父女戀的戲碼。

前幾日播岀的同盟，網民惡搞咗一段姚子羚的片段，片中的姚子羚穿著白色禮服裙在車內坐著，一腳踢向車上的男人，呢一踢，姚子羚的長腿就化身青蛙腳，踢向宇宙，再踢入細胞，喺細胞入面大游蛙式，認真好笑，不得不佩服網民的創意。

• 網民惡搞姚子羚露出白色打低褲。

• 來吧！踢向宇宙！

• 同姚子羚對話的陳山聰網民也不放過，惡搞他一餐，在片的最後他都變咗樣。

姚子羚在訪問時表示對於網友的惡搞，表示非常歡迎，她說：「好多謝網友咁精心p圖，唔知佢用咗幾多時間，好多人都send咗段片俾我睇。我自己都幾開心，因為豆豉眼係我既標記，我都有上網留言多謝網友，多謝佢哋咁有心機惡搞我。」
計我話，呢個年代靚女通街都係，又靚又不介意被人惡整，而且態度又大大方方先係真女神的典範！今期姚子羚咁爆，看來這次的萬千星輝頒獎典禮她也可以期待一下！
（網民惡搞姚子羚的原片傳送門）