陳柏宇力谷全新大碟《I》 ,逾300 FANS冒冷風支持!

陳柏宇(Jason)剛剛於完成首個紅館個唱,今個星期開始為其全新大碟《I》宣傳,並於hmv銅鑼灣旗艦店舉行簽名會。
逾300名忠心fans一早到場排隊等候,人龍一度排到落大樓樓下,雖然今日天氣轉凍,部份fans「食住風」排隊,但都無損他們的熱情。為答謝fans的支持,Jason特地與排隊的fans合照留念,fans們表現熱情,場面墟冚。
Jason在為fans簽名期間,有不少人把握那短短的幾秒時間與Jason交談,部份人大讚Jason的個唱精彩,甚至有人問他何時開part 2。Jason聞言非常開心,他表示:「好開心有咁多人嚟到,雖然大家可能只係握個手、傾兩句、影張相,但佢哋每個人對我嘅鼓勵,我都有聽入耳、記喺心,有啲仲好搞笑,真係好多謝佢哋咁支持自己。」而Jason今日更化身「黃大仙」,對fans的要求全部有求必應,就算有fans拿他的舊碟來索簽名,Jason照簽無誤,甚至有fans要求玩自拍,他都一一答應。

在簽名會上發生了一段有趣小插曲,有fans帶同孩童級fans來捧場,小小fans超級興奮,不單直接踩上簽名枱,更興奮狂跳,Jason見到對方都非常開心,但為保安全,Jason抱住對方合照,又與小小fans擺出同樣的表情。
同場更有售賣Jason的《SPEECHLESS演唱會》精品,他推介襟章,他笑言:「因為啲fans戴咗之後,我會比較易認出邊啲係『自己友』。」他又推介白色演唱會Tee及叉電器,更笑言叉電器可放在心口,以作定驚之用,引得fans大笑。

另外,Jason稱做完演唱會後其實未停過,但慶幸過幾日會與同事去日本,大家終於可以休息數天,他很期待與一班同事享受假期。而Jason在出發前還會抽空去欣賞其他歌手朋友的演唱會,並指自己一直很欣賞對方的歌,所以無論如何都要去捧場。

(圖片、資料來源:sony music)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→