叱咤記者會前 姜濤粉絲扎營半個月霸位 姜糖建「糖區」感驕傲：乜嘢辛苦都值得 精選 推薦

叱咤樂壇流行榜頒獎禮記者會將於下周一（11月4日）在昂坪舉行，男團MIRROR今年亦會出席。除了傳媒朋友，歌迷們亦可以到場支持偶像，網上傳出影片可見，有「姜糖」早已扎好營留守在昂坪霸位，有指姜糖早於本月20日凌晨抵達會場，日夜輪班守住辛苦建立的「糖區」，只為能在最佳位置支持姜濤。

有姜糖在社交媒體分享資訊，為粉絲們齊心協力的付出感到驕傲：「望住依個糖區 ，乜嘢辛苦都值得」。姜糖記錄心路歷程：「個區唔係你尋日上嚟先有，亦都唔係大會派畀你。個區係20/10凌晨半夜由糖上去昂坪霸位，排咗8日8夜，輪班守住。好辛苦先爭取到返嚟。日頭返工放工就上昂坪，仲有一大堆物資逐批逐批運上昂坪。只要為姜濤爭取到最好嘅。乜嘢都唔辛苦，乜嘢都係值得。」
姜濤一直知道粉絲願意付出，曾多番發文叫粉絲不要勉強自己，影響健康。雖然知到偶像心痛，但姜糖堅持做自己認為該做的事，不少粉絲互相勉勵，留言表示關心：「多謝各位，知道大家好辛苦，記得保重自己，要着夠衫，需要乜嘢出聲，互相幫助互相照顧 」、「妳們未來數天有什麼需要？糧餉足夠嗎？」、「🍬🍬 真係『好得太過份』，請好好保重，身體要緊」。
不過，也有網民認為姜糖作法誇張，揶揄：「都唔知記者會有咩好排」、「成班薑嬸都失開智架啦」、「又嚟啲白痴嘢」、「政府有冇考慮發展姜糖經濟，排隊全部要收錢，起碼可以割咗一班姜糖為庫房增加收入」。亦有人理性討論，怕這種追星文化過激，指：「真心替你們心痛。知姜姜一樣心痛自己的糖糖。你哋幾咁愛他。為他付出一切，感謝你們。但追星不應是這樣嗎？要露宿街頭？離家幾日？我也愛姜姜但我不能這樣做。不太喜歡這種文化。希望大家注意安全和照顧好自身體和心情。萬事小心小心… …」