阿Sa出道24周年 發文稱「內心非常澎湃」 送自己「特別獎勵」惹笑粉絲 精選

41歲阿Sa（蔡卓妍）於2000年8月1日作為演員正式出道，翌年5月與阿嬌（鍾欣桐）組成女子二人組合Twins進軍樂壇，至今仍活躍於演藝圈，年初才舉辦完演唱會，人氣高企。

而昨日（1日），阿Sa迎來出道24周年，原本她都忘了這個重要日子，幸好粉絲有心，發布貼文曬出與阿Sa的創造的美好回憶，為她送上祝福。阿Sa發文回應粉絲的熱情：「見到你們嘅提醒同祝福，我先記得，今日係我出道24週年🥰 雖然呢一刻 因為連續幾日10幾個鐘拍攝嘅工作而仲攤喺張床度，但係我一路睇住你哋嘅post，內心係非常澎湃嘅。」

她感嘆：「雖然今日仍然係普通嘅一日，我哋各自喺自己嘅生活軌跡裏，面對各自嘅工作同生活，但係呢一日你哋會用心記住，幫我慶祝，對我嚟講係好特別嘅。特別感恩呢一路都有你哋相伴，亦都多謝我自己一路嘅堅持😊 感謝嘅說話我唔多講喇 在心中！」阿Sa承諾會繼續努力，並決定獎勵自己休息一日，養好精神。對此，粉絲笑言：「咁大段最重點就係… …你『獎勵自己休息一日』」！