Jeffrey 魏浚笙音樂會表現惹批評 發文喊冤：難道要高調大聲宣布讓大家知道才算有練習嗎？ 精選

《拉闊音樂會Sparkleキラキラ》昨晚（23日）在亞博舉行，由魏浚笙（Jeffrey）、呂爵安（Edan）、陳凱詠和邱彥筒（Marf）4位攜手合作，除了Solo表演也有Crossover環節，為歌迷帶來精彩的演出。

不過，音樂會結束後，Jeffrey的表現惹來批評，被指唱跳水準不達標，觀眾似乎對這位「叱咤生力軍男歌手」金獎得主有點要求。對此，Jeffrey親自發文喊冤並解釋：「Don’t judge a book by its cover. 難道每次默默的練習，都要高調大聲宣布讓大家知道才算有練習嗎？早幾個月就開始作準備難道也要全部說出來(｡ ́︿ ̀｡) 每個人的要求我都努力配合遷就 要我怎麼做就怎麼做，最後出來的結果為甚麼會演變成這樣的導向🫠🥲。我只是一個熱愛唱歌的人ಥ_ಥ」。
不過，部分網友不滿Jeffrey為自己辯護，留言表示：「唔係下下做得唔好 就要衝出嚟為自己辯護，預期擺出嚟，咁不如自己默默喺背後練習好過，呢啲嘢唔需要同人交代，又或者打咁大篇嘢出嚟，因為呢啲嘢係同自己交代好過同人哋交代」、「觀眾唔會理你練咗幾耐 唔得就係唔得！！一睇就係rehearsal不足 唔好畀自己任何做不完美嘅藉口」、「想喺樂壇撈落去要用歌聲說服大家，唔係事後講自己有幾努力」等。
Jeffrey再度留言回應：「我對大家唔住，可能誤導咗大家ಥ_ಥ我只係見到有人提過幾句 我比較小同大家有collab係因為去咗巴黎無時間同大家夾而造成，但其實唔係事實，因為我私底下花咗好多心機時間提前去練去學，😫不過始終無舞步底，好多時Join唔到大家太多跳唱，搞到觀感上畀人咁樣嘅感覺，覺得有感而發而已，但其實琴晚嘅舞台係超開心又滿足！(⁎⁍̴̛ᴗ⁍̴̛⁎)」。

有網民給予理解，留言叫Jeffrey不用灰心，並指他的演出已經非常精彩，表現穩定，期待他未來繼續進步。