Sunny、Creamy正式宣布復出拍片 自爆齊齊患情緒病要食藥 靠讚自己、改變形象自救 精選

由Sunny和Creamy共同經營的YouTube頻道「arhoTV」原本搞得有聲有色，訂閱人數曾達至52萬，但二人於前年推出NFT時被指煽動未成年人士高額消費而遭批評，隨後又被揭出售賣淘寶貨大賺粉絲錢，導致形象大跌，即使二人退款兼道歉，仍無補於事，最終被迫停運頻道。

至近日，Sunny和Creamy復出改拍YouTube Shorts重新出發，不過他們拍攝的內容被指意識不良，似足「Elsagate（指一些表面上對兒童友好的影片，以鮮豔顏色和卡通人物吸引兒童，但主題兒童不宜，例如呈現暴力、性、戀物癖、廁所幽默等，也會鼓吹危險或破壞行為，有洗腦兒童的嫌疑）」類型片段，繼而引發爭議。不過，二人沒有對網民的意見作出回應，反而公開2段約8分鐘的影片交代近況，紀錄自己從低谷翻身、改變自己的歷程。
2週前Sunny上傳影片紀錄了自己靠健身改變心態，昨日（7日）就輪到Creamy講述自己的自救經理。Creamy自爆跟Sunny齊齊患上情緒病要食藥治療：「開始睇嘢浮吓浮吓，個心又成日跳得好快，有時候會呼吸唔到，手又震腳又震，一日淨係攤喺床度乜嘢都做唔到，咁我哋就去睇醫生啦，到嗰陣先發現原來我哋兩個都病咗。」他們曾經同時發病，無法控制自己或照顧對方，兩人非常無助，但仍不願跟家人或朋友溝通。

不過，Creamy後來決定自救，首先學會每天稱讚自己建立信心，又剪短頭髮變換心情、刪除社交平台清空心境、學韓文、學空中瑜珈，並陪Sunnt健身，獲得理想身形大膽著靚衫。

Creamy宣布正式復出拍片，重新開始：「我想好似由頭嚟過咁拍返片，有意義嘅拍，冇意義嘅都拍；無厘頭嘅拍，有意思嘅都拍！總之就拍好多好多片，畀仲支持我哋嘅人睇。」片尾，Sunny更公開新歌，歌詞有關他和Creamy走過艱難時刻心情，將情緒化為創作靈感。

對於Sunny和Creamy復出，有不少粉絲留言支持，期待他們繼續拍片，並欣賞他們的堅強。不過，影片其實獲逾5,400個Dislike，比約2,900的Like數多，連登網民還踢爆他們刪負評，大罵：「佢哋刪留言，我留言X佢哋都畀佢Del咗」、「拍Ｘ完Elsagate扮冇嘢」、「明明條X樣勁自戀，而家就扮有情緒病」、「咁都有人撐 健身都洗到底」、「咁Ｘ無恥都有」、「又喺度扮慘」、「明明係佢哋呃Ｘ人先，畀人踢爆咗就有情緒病」等。