傳老師邀KOLOR、Supper Moment、ToNick到校表演而遭校長鬧 原因是「有耳環同紋身唔係好人」 精選

FB專頁「教育刺針」昨日（24日）發文稱，早前一位姓陳的老師指自己邀請了Kolor、Supper Moment和ToNick等樂隊到校表演而遭校長罵，原因是樂隊成員染髮、戴耳環和有紋身，被認為「唔正經、唔係好人」。

陳老師訴說當中的辛酸：「請完佢哋（樂隊）返黎表演，學生開心，但我就畀人鬧」、「校長話請返嚟嘅嘉賓如Supper Moment和ToNick，他們有染髮，唔正經，所以以後唔可以請染髮的人做嘉賓」、「KOLOR樂隊主音Sammy有耳環同紋身，入校教夾Band畀校長話佢唔係好人」等。表演結束後，陳老師被校長叫入房鬧了整整1個小時，校長表示以後不能邀請這些人做表演來賓。▲KOLOR
▲Supper Moment
▲ToNick

後來，有外判活動稱可以邀請與C AllStar緊密合作的音樂人賴映彤訪校作分享，結果也被校方指「C AllStar只係明星，唔夠正氣」而拒絕活動，學校只希望邀請唱詩歌或表演古典音樂的團體入校。

對此，KOLOR主音Sammy留言表示：「辛苦晒陳老師，我有啲印象邊間學校😅🙌」。其餘不少網民都斥責學校食古不化，用這些片面的基準判斷人的好壞，不能為學生作榜樣。

資料&圖片來源：FB@教育刺針