資深音樂人周啟生近年經常在社交平台對樂壇發表評論，不過向來有話直說的他發言惹火，多次引發爭議。昨日（28日），周啟生出席黃夏蕙舉辦的晚宴時接受傳媒訪問，火力全開地跟記者暢談樂壇大小事，當中提到樂壇新一輩歌手時，他失望稱目前沒有值得他讚賞的人才。
記者提起MIRROR時，周啟生指他們已不算樂壇生力軍：「唔好再講MIRROR喇，MIRROR舊人嚟，講啲新㗎啦。MIRROR過氣啦已經，銅鑼灣冇晒佢哋啲相，巴士都冇晒啲相喇，講啲新啲，即係我要講有冇才能、當時得令、Fit嘅、冇肚腩嘅！」
▲不過，MIRROR成員姜濤明天（30日）即將迎來生日，粉絲其實有為他投放金百利外牆及交通工具廣告作應援。
周啟生表示，他欣賞一位歌手時，會從聲、色、藝作分析：「天生樣貌似甄妮咁靚、身材咁標青嘅，啞都掂，我望你我都暈，仲要甄妮唱成咁喎，縱橫樂壇50年，冇得頂！鄧麗君、甄妮，樣靚身材...冚唪唥冇半樣嘢可以批評。關淑怡後生又靚，身材又好，唱歌好聽！林億蓮好、葉蒨文好，你都冇得彈㗎！」
▲甄妮
▲鄧麗君
周啟生強調自己很喜歡提攜後輩，他不開名指有「某啲歌手」值得欣賞而且抓到機會，但似乎沒有好好把握這些時機：「我哋一把年紀，冇肚腩㗎。唔該你，萬人迷呀大佬，廿幾歲有肚腩，萬咩人迷呀你？裝載吓。陳百強冇肚腩、許冠傑冇肚腩、張國榮冇肚腩、周啟生冇肚腩...咁阿麟（譚詠麟）就有，但佢唱歌好嘢呀。即係我意思大家應該專注於個重點度，唔好變成爭拗，你嗰班咁嘅盲迷，你鍾意你嘅偶像係有理由，你鍾意隻蟻都得，但係唔好同我講隻蟻大過隻象。」
不過，周啟生不希望有人曲解他的評論而變成仇恨，他只希望為樂壇出一分力：「我哋而家講緊音樂藝術，唔係人身攻擊，係咪？」他指自己從事音樂專業50年，有能力分析歌手是否有音樂才華。而即使歌手被他批評完，粉絲仍然有自由喜愛該藝人，但最緊要不要代音樂人盲讚歌手有才。
資料&圖片來源：FB@周啟生 Dominic Chow、綜合媒體報導、網絡圖片
記者提起MIRROR時，周啟生指他們已不算樂壇生力軍：「唔好再講MIRROR喇，MIRROR舊人嚟，講啲新㗎啦。MIRROR過氣啦已經，銅鑼灣冇晒佢哋啲相，巴士都冇晒啲相喇，講啲新啲，即係我要講有冇才能、當時得令、Fit嘅、冇肚腩嘅！」
周啟生表示，他欣賞一位歌手時，會從聲、色、藝作分析：「天生樣貌似甄妮咁靚、身材咁標青嘅，啞都掂，我望你我都暈，仲要甄妮唱成咁喎，縱橫樂壇50年，冇得頂！鄧麗君、甄妮，樣靚身材...冚唪唥冇半樣嘢可以批評。關淑怡後生又靚，身材又好，唱歌好聽！林億蓮好、葉蒨文好，你都冇得彈㗎！」
▲甄妮
▲鄧麗君
周啟生強調自己很喜歡提攜後輩，他不開名指有「某啲歌手」值得欣賞而且抓到機會，但似乎沒有好好把握這些時機：「我哋一把年紀，冇肚腩㗎。唔該你，萬人迷呀大佬，廿幾歲有肚腩，萬咩人迷呀你？裝載吓。陳百強冇肚腩、許冠傑冇肚腩、張國榮冇肚腩、周啟生冇肚腩...咁阿麟（譚詠麟）就有，但佢唱歌好嘢呀。即係我意思大家應該專注於個重點度，唔好變成爭拗，你嗰班咁嘅盲迷，你鍾意你嘅偶像係有理由，你鍾意隻蟻都得，但係唔好同我講隻蟻大過隻象。」
不過，周啟生不希望有人曲解他的評論而變成仇恨，他只希望為樂壇出一分力：「我哋而家講緊音樂藝術，唔係人身攻擊，係咪？」他指自己從事音樂專業50年，有能力分析歌手是否有音樂才華。而即使歌手被他批評完，粉絲仍然有自由喜愛該藝人，但最緊要不要代音樂人盲讚歌手有才。
資料&圖片來源：FB@周啟生 Dominic Chow、綜合媒體報導、網絡圖片
請按此登錄後留言。未成為會員? 立即註冊