全民走塑｜買紙盒壽司如「抽盲盒」 環境局發文解釋：超市仍可以用膠盒裝外賣壽司 精選

首階段管制即棄膠餐具措施日前（22日）起實施，大批市民在網絡上投訴紙製餐具容易變軟，又會有原料味道殘留，造成諸多不便，對「走塑」政策非常反感。除此以外，有網友留意到某跨國連鎖折扣店的壽司區，已將部分一般賣壽司慣用的透明膠盒，換用紙盒裝載，稱紙盒食品是「特別為店內用餐區的顧客」提供的。消費者對於「睇唔到內籠」感到困擾，不滿留言：「吸引力大減，到時更加浪費食物」、「睇唔到就唔買」、「黑箱作『孽』」等。

相關事件引起爭議，環境局透過「大嘥鬼」FB解釋，消費者如選擇在超市內即場享用食物，情況與一般銷售和外賣一樣，超市其實仍然可以用膠盒和膠蓋包裝外賣壽司，用透明盒可讓客人清楚分辨食物質素和款式。
另外，部分餐廳誤以為在新法例下向食客提供膠盒打包剩餘食物會違法，大嘥鬼解釋：「其實如果客人選擇將堂食食物打包，呢啲係屬於外賣情況，食肆係可以提供膠杯和膠食物盒畀客人拎走㗎！」政府表示會在適應期探訪餐廳和零售處所，跟商家說明法例，避免任何誤解。而客人本身因為不會因使用了受管制的即棄塑膠產品而觸犯法例，局方叫大家不用擔心。

對於走塑措施造成的混亂，網友大感不滿，有人留言斥：「好亂，可唔可以清楚啲，無所適從」、「慘啦！又得又唔得，我更加唔明」、「未解釋清楚就推出，然後就話人誤會」、「嗱餐廳訂哂紙嘢返嚟㗎喇，政府而家改口即係單純地玩X餐廳㗎咋，有骨氣啲唔好縮呀呀鬼」、「亂…龍門任擺，肉隨砧板上，我冇嘢講」、「細則都未定好就要硬推銷一刀切，令到大量市民困擾，產生大量問題成為國際笑話至嚟補救」等。

資料&圖片來源：FB@大嘥鬼 Big Waster、FB@DON DON DONKI Hong Kong