王青霞被加控第7項控罪 案件押後再審 李龍基對燈火發誓：出面話我唔要佢，我唔會！ 精選

藝人李龍基的未婚妻王青霞（Chris）涉逾期居留、使用虛假文書等6罪，案件今日（16日）於沙田裁判法院提訊。據悉，控方在庭上向法庭新增一項控罪，指Chris涉「違反逗留期間接受工作」，辯方要求更多時間索取相關文件，案件押後至5月28日再訊。

Chris須繼續還押於大欖懲教所，基哥今日只能在庭上遠遠跟未婚妻相見。離開法院時，基哥接受傳媒訪問，對於Chris被新增控罪，只表示一切交給律師處理。基哥指自己是未婚妻的心靈支柱，自Chris被還押後，他幾乎每天都會探望她，希望她能安心。
被問到有甚麼說話想對Chris說，基哥表示：「叫佢唔需要擔心啦，我一定會支持佢，永遠都係佢最大嘅支持。」另外，基哥一提到外界有傳他會拋棄Chris，他立刻情緒激動，哽咽說道：「佢睇到出面啲輿論話我唔要佢...我...我要畀佢知，我唔會！我對住燈火發誓，真係，我同佢講唔會！你唔好睇人哋亂寫，我係唔會變嘅！」
未婚妻被繼續還押，基哥則一邊工作一邊處理Chris的事宜，表示不抗拒離港工作，只要朝早能趕回香港探望Chris，就願意登台。他預告自己將於5月尾到澳洲工作10天，幸好5月28日他仍然在香港，屆時能到場旁聽法庭聆訊。

資料&圖片來源：Viu1 HK