細細粒揭露直播帶貨辛酸：2千萬成交額，最後都可以係蝕錢 精選 推薦

由麥美恩、曾展望（GM）主持的TVB清談節目《Mayanne小喇叭》昨晚（4日）一集請來「細細粒」陳嘉佳、梁競徽和本港第一代直播主Yoko揭露直播帶貨行業的背後辛酸。

「細細粒」陳嘉佳近年在內地做吃播帶播做到有聲有色，抖音粉絲人數破百萬，相信她靠吃播賺到不少。不過，細細粒表示，直播成交額高，不代表主播穩袋利潤，他們有時甚至會蝕錢：「一個2000萬嘅成交額，可以有人嗰晚最後係蝕錢嘅。因為點解呀？你知啦，最多㗎喇，『今日呢我就畀你充值電話費，充100蚊你畀95蚊就得』，你以為我唔使貼㗎嗰5蚊？係成本嚟㗎！做呢一個Action為咩？為令到我個GMV（成交額）可以到數。」
同行梁競徽指細細粒的成績在業內算非常犀利，一場直播成交額最高能達800多萬，而他自己最高成交額的一場直播是300多萬，這對細細粒來說，只是她的平均業績。梁競徽自爆一場直播實質可以賺多少：「100萬成交額，當平均袋12%，就幾十萬咁，但扣除成本，即使你冇送禮物，但有差旅費用、團隊人工等等，同埋唔係每一場都有咁嘅成績，所以都係拉上補下，之前蝕嗰啲，咪喺呢場補上。」梁競徽透露自己做過零食帶貨，情況慘淡到僅得90多人觀看直播，細細粒也有同感，感嘆賣零食最難賺錢：「嗰隻金色朱古力，新年時冇記錯價錢係68蚊，你估我哋每一盒賺幾多錢？（10蚊？）我冇記錯應該係2蚊。啲錢真係一毫子、一毫子賺返嚟㗎！」

為了吸引流量，細細粒做吃播時搏盡狂吃大閘蟹，她一個人吃數百隻大閘蟹的事蹟成為熱話：「第1年好開心，一世都冇咁樣食過大閘蟹。食到第2年，一年大閘蟹我都賣到2千萬左右，每次大閘蟹直播10個鐘，當1個鐘食4隻，7場10個鐘，一年真係走唔甩食400隻。真係就咁食，如果個產品主播都唔肯食，你係咪唔相信個成分呢？係咪溝渠蟹？你都唔食咁賣咩？」
另外，主播不單止因為誇張的食法而撐得非常辛苦，直播環境有時也非常難頂。細細粒回憶一次工作她足足被關在炎熱的農村裡有8個小時：「陽光玫瑰嗰個地方，我記得係西安，個棚裡面平均45度，我喺裡面關咗8個鐘！嗰度農村嚟，供電唔夠，係連風扇都唔吹得！仲要賣貨賣到凌晨1、2點，夜晚前面係有唔少於1萬隻蚊，隨時4、5隻飛入你個口度，吐出嚟繼續。陽澄湖下午5點戶外唔做得直播，有幾千隻大蟲喺你面前飛！」
細細粒還提到內地直播禁詞多，她人生第一次要寫悔過書，就是因為誤播違規圖片，遭停播之餘還被封帳28日：「全公司連埋老闆打去畀平台問咩事，查咗1個鐘，發現原來我個價格對比圖咁啱個網站係唔可以喺直播Show出嚟。」細細粒因一個失誤不斷道歉，自稱「洗底」洗了半年，流量才慢慢恢復過來，直播帶貨背後，主播們承受著各方壓力，這些錢原來不表面上看那麼易賺。
資料&圖片來源：YouTube@TVB (official)、YouTube@TVB 綜藝