林作媽媽到賀「契女」麥明詩婚宴 狂讚盛勁為好型 認阿仔受刺激急住影婚照 精選

「十優港姐」麥明詩（Louisa）與盛勁為（Keith）繼前晚（23日）於元朗圍村舉行完中式盆菜婚宴後，昨日（14日）又在銅鑼灣吉列島遊艇會辦西式婚宴。到賀的親友當中，Louisa前度林作的媽媽竟然也有現身，她大方接受傳媒訪問講述心情。

作媽指Louisa是自己的「契女」，出席契女的大喜之日不感尷尬。被問到對盛勁為有甚麼看法，作媽大讚：「好靚仔，又好有型，又好有擔當，覺得Louisa搵到幸福。（髮型點呀？）髮型型過我個仔！我個仔成頭撐嚟撐去，人哋好型又夠高，你睇我個仔呢...... 所以明我踩我個仔。 」

對於Louisa做不到自己新抱，作媽承認感到惋惜，當初用盡方法為囝囝「箍煲」，但最終都不成事。談到林作和裕美近日也拍了婚照，作媽笑言：「佢有啲受刺激呀，有啲打擊呀。影婚紗（相）我都唔知，啱啱先睇到新聞。我話唔好咁樣，我安慰佢，有時啲嘢要睇開啲，似我咁，大家再見都係好朋友，畀個祝福人哋。」被問到裕美是否「過關」能做她新抱，作媽就說：「差唔多啦，覺得要睇開呀，一開始好反對，死畀佢睇，而家開始接受到，自從我個仔入院，嗰次之後我就真係接受到。」作媽直言希望阿仔今年內結婚，想盡快抱孫，到時也會請Louisa來。
資料&圖片來源：YouTube@Viu1 HK