楊千嬅任《中年好聲音2》決賽評判惹爭議 連帶伍仲衡「中槍」被批「唔識唱歌」！ 精選

TVB《中年好聲音2》決賽即將於周日（24日）舉行，官方除了請來蔡琴更做表演嘉賓，還額外邀請楊千嬅擔任評審。不過，轉戰內地發展的千嬅近年在港下滑，前年在香港舉行演唱會銷情不佳，其唱功多年來亦一直被詬病，部分人批評她根本「未夠班」做評審。

網民熱烈討論事件，《中年2》常駐評審伍仲衡轉發了其中一位網友的貼文，可見對方撐千嬅做評判，但發言令伍仲衡「躺著也中槍」：「其實千嬅嚟做評判都要俾你哋鬧？你要搵晒啲唱歌好掂嘅？仲要千嬅唱歌根本唔差，國內咁多歌手佢都可以咁紅，證明唱功！佢喺國內開演唱會門票利殺，證明人氣！請佢做嘉賓有何不可？難道伍仲衡識唱歌？」

網民直指伍仲衡「唔識唱歌」，伍仲衡無奈回應：「冇常識嘅人先會覺得做歌唱比賽評判一定要唱歌好聽。」有支持伍仲衡的人留言表示理解：「王家衛做戲係咪好好？」、「金牌教練也不一定是世界冠軍」、「劉翔個教練跑得快過劉翔？」、「料理評論家未必識煮或未必煮得好食」等。雖然伍仲衡被拖落水，但眼看《中年2》決賽大受關注，他感到滿意：「嗱，大家的熱烈討論，足以證明呢個節目有幾成功！以前成人睇樂評同影評，從來冇覺得啲樂評人要識作曲，從來冇覺得啲影評人要識拍戲，道理一樣啫。」
資料&圖片來源：FB@伍仲衡 Harry Ng