陳詠謙玩Threads不滿遭外賣平台串 被問「今日自己做飯未」 認為是傷口上「灑鹽」！ 精選

2015年歌手陳柏宇推出《別來無恙》一曲，當中一句歌詞「我現時自己肯做飯」，因為用詞直白而顯得突屼，後來成為全城熱話，更有網民惡搞歌曲製作成「瘋狂做飯版」。



8年後大家依然對這句歌詞印象深刻，日前負責《別來無恙》填詞的陳詠謙新來報到玩Threads，引來某外賣平台留言，對方打趣道：「今日自己做飯未？」不料卻惹怒陳詠謙，他發文公審外賣平台及該公司的社交帳戶管理員，直斥：「原來除咗送外賣，仲鍾意灑鹽巴。貴公司將個官方帳號交到你手上，估計係認可你嘅能力同品格，足以代表公司發言。唔通呢個就係貴公司嘅企業精神？為咗刷Like數，可以罔顧一個人嘅感受；咁我估貴公司同樣可以為咗生意，罔顧車手/餐廳/食客嘅死活。」
陳詠謙稱自己算是該外賣平台的忠實用戶，現時卻被傷害感受，實在失望。他預計網民會批評他小器：「可能會覺得我小器？但善意惡意大家心知肚明。聽人講，Threads係製造二元對立嘅平台。我上得嚟，預咗玩辯論。」

大批網民在陳詠謙的貼文下留言，果然有不少人斥他心胸狹窄，表示：「有句代表作畀人記得有咩問題？」、「係咪即係自認句歌詞垃圾所以係灑鹽？」、「直線認自己填得7」、「咁敏感，係咪諗返起自己都覺得尷尬」等。不過，也有人叫陳詠謙自信一點，不要認定別人提起他的作品就是恥笑他。

資料&圖片來源：Threads@chanwinghim