《亞洲超星團》出道男團「LOONG 9」因名字新奇成為近期城中熱話，節目召集人曾志偉昨日（14日）出席活動時受訪，表示對LOONG 9的熱度感到滿意，開心說道：「選完出嚟，改埋呢個名，好多人討論，呢個就係一個效應喇！好多人就話搞到咁樣有冇搞錯㗎，冇問題吖，個個都討論緊，幾好呢，炒到咁熱！」
不過，曾志偉自爆LOONG 9的團名並非他的主意：「其實唔係我諗嘅，係國內啲宣傳朋友諗嘅。」被問到LOONG 9成為大眾恥笑對象，曾志偉會否感到有壓力，他就回應：「冇壓力，大家慢慢放長雙眼睇，睇吓班細路，你就知個名係冇事，因為我哋以前起過好多好嘅名㗎，你初初出嚟都覺得好奇怪，但慢慢就會覺得呢個名好好，只要班人會紅，個名就係好，唔紅就係改錯名。」
他舉出不少經典戲名為例：「以前我哋拍過《恭喜發財》，畀人話有冇搞錯你識唔識改名㗎，「恭喜發財」都係名嚟？最後賣錢囉、破紀錄囉！另外《A計劃》，成龍點解要改個呢個名，冇呀改住先㗎咋，咁個個都知叫《A計劃》，咁就叫呢個名囉。其實好多名你都係唔知點樣嚟嘅，但結果咪又係家傳戶曉。仲有《警察故事》，咁套戲係講警察嘅，就叫《警察故事》囉，咁你話改得好唔好呢？改嗰時又畀人話『你冇名㗎喇？叫警察故事？』，後來仲有得拍第一集、第二、三集！其實喺我哋呢行就係咁，順口就得。」
最後，提到E-Kids的Tommy（阮民安）投訴曾志偉曾提議他們的團名改作「A4」，曾志偉回應：「為呢啲事嬲點做人呀？呢啲細嘅，我哋以前提拔過佢，但佢又冇講我哋點提拔佢，淨係講改名呢啲事，我就覺得好奇怪。但係冇所謂啦，我哋喺呢行帶過唔少後生仔出嚟，呢啲係好小嘅事。」
資料&圖片來源：TVB娛樂新聞台
不過，曾志偉自爆LOONG 9的團名並非他的主意：「其實唔係我諗嘅，係國內啲宣傳朋友諗嘅。」被問到LOONG 9成為大眾恥笑對象，曾志偉會否感到有壓力，他就回應：「冇壓力，大家慢慢放長雙眼睇，睇吓班細路，你就知個名係冇事，因為我哋以前起過好多好嘅名㗎，你初初出嚟都覺得好奇怪，但慢慢就會覺得呢個名好好，只要班人會紅，個名就係好，唔紅就係改錯名。」
他舉出不少經典戲名為例：「以前我哋拍過《恭喜發財》，畀人話有冇搞錯你識唔識改名㗎，「恭喜發財」都係名嚟？最後賣錢囉、破紀錄囉！另外《A計劃》，成龍點解要改個呢個名，冇呀改住先㗎咋，咁個個都知叫《A計劃》，咁就叫呢個名囉。其實好多名你都係唔知點樣嚟嘅，但結果咪又係家傳戶曉。仲有《警察故事》，咁套戲係講警察嘅，就叫《警察故事》囉，咁你話改得好唔好呢？改嗰時又畀人話『你冇名㗎喇？叫警察故事？』，後來仲有得拍第一集、第二、三集！其實喺我哋呢行就係咁，順口就得。」
最後，提到E-Kids的Tommy（阮民安）投訴曾志偉曾提議他們的團名改作「A4」，曾志偉回應：「為呢啲事嬲點做人呀？呢啲細嘅，我哋以前提拔過佢，但佢又冇講我哋點提拔佢，淨係講改名呢啲事，我就覺得好奇怪。但係冇所謂啦，我哋喺呢行帶過唔少後生仔出嚟，呢啲係好小嘅事。」
資料&圖片來源：TVB娛樂新聞台
請按此登錄後留言。未成為會員? 立即註冊