「電競女神」Rose Ma遊瑞士呻受盡歧視：我忍唔住問點解你要咁樣對我 精選 推薦

30歲「電競女神」Rose Ma （馬俊怡）近日到瑞士旅遊時遇上不愉快的經歷，她大呻在當地受盡歧視，明明自己態度良好，卻無緣無故遭無禮對待，直言被嚇倒。

Rose Ma紀錄經過：「短短喺瑞士幾日已經受盡歧視，最後一日，去到機場啲Counter職員因為用法式英文，我聽得唔清楚，問可唔可以講多一次，佢串到話我講10次你都唔會明，所以算啦，我話可唔可以指一指方向，佢就話我係到做嘢唔係嚟指導你，我忍唔住問點解你要咁樣對我，我真係嬲到黐線（Ps：我發誓我係超級有禮貌，雖然接觸嘅大部分瑞士人都戴有色眼鏡，但都仲有少部份人好有禮貌的，起碼入Lounge啲人唔會咁嘅態度）」。
不少網友表示在瑞士有類似經歷，Rose Ma接著分享：「原來咁多人都係瑞士受過歧視，喺依幾日行程入面，入到其中一間餐廳，正正常常坐低咗之後，已經Feel到個經理眼神超級不友善，然後行過嚟「啪」一聲擺低餐牌，等咗15分鐘特登唔過嚟幫我哋落單」。她無奈道：「成程我哋係超級友善同有禮貌，都無啦啦可以咁，瑞士真係嚇親我」。
資料&圖片來源：IG@roserosemama