美職球隊國際邁亞密昨日（4日）在香港大球場與香港隊踢表演賽，然而阿根廷球王美斯缺陣，令全場球迷大感失望，群情洶湧大叫「回水」，政府甚至可能因應美斯未能出場而扣減贊助款項，涉及港幣1,600萬元。
表演賽當日不少港星也有特地抽空入場，未能一睹美斯在球場上的風采，盧覓雪拍片大呻：「我當然而家好失望啦，我斷估唔係嚟睇G.E.M表演嘅。下半場中段咁上下啦，啲人就叫『退錢、退錢』，叫退錢嗰個係講國語嘅，講廣東話嘅就『回水，回水』。嗱，而家係不斷喺度噓嘅，呢啲係真實嘅民意反映，唔係我屈佢哋㗎，大佬！」在旁的903 DJ阿強也表示：「唉冇得退錢㗎香港，條款及細則約束吖嘛。我代表廣大嘅球迷安慰返美斯嘅球迷，唔好咁嬲啦，係咪先，話曬我哋同美斯同一個場睇波，美斯陪我哋睇波喎，你諗吓，幾好！」盧覓雪無奈表示：「我又唔係坐美斯隔籬！」
另外，《東張西望》主持陳庭欣也有觀賽，她上傳IG限時動態寫道：「違反商品說明條例」，並表示：「頭先好多球迷見到我，都異口同聲話要報《東張》」。她回應傳媒指，美斯可能因腳傷未能上場，但蘇亞雷斯呢？國際邁阿密主教練馬天奴在賽後解釋：「呢個係同球隊醫療團隊做嘅決定，佢哋認為，如果讓美斯、蘇亞雷斯上陣，會有好大嘅傷患風險。」
資料&圖片來源：FB@叱咤903 在晴朗的一天出發、IG@toby_yanyan
表演賽當日不少港星也有特地抽空入場，未能一睹美斯在球場上的風采，盧覓雪拍片大呻：「我當然而家好失望啦，我斷估唔係嚟睇G.E.M表演嘅。下半場中段咁上下啦，啲人就叫『退錢、退錢』，叫退錢嗰個係講國語嘅，講廣東話嘅就『回水，回水』。嗱，而家係不斷喺度噓嘅，呢啲係真實嘅民意反映，唔係我屈佢哋㗎，大佬！」在旁的903 DJ阿強也表示：「唉冇得退錢㗎香港，條款及細則約束吖嘛。我代表廣大嘅球迷安慰返美斯嘅球迷，唔好咁嬲啦，係咪先，話曬我哋同美斯同一個場睇波，美斯陪我哋睇波喎，你諗吓，幾好！」盧覓雪無奈表示：「我又唔係坐美斯隔籬！」
另外，《東張西望》主持陳庭欣也有觀賽，她上傳IG限時動態寫道：「違反商品說明條例」，並表示：「頭先好多球迷見到我，都異口同聲話要報《東張》」。她回應傳媒指，美斯可能因腳傷未能上場，但蘇亞雷斯呢？國際邁阿密主教練馬天奴在賽後解釋：「呢個係同球隊醫療團隊做嘅決定，佢哋認為，如果讓美斯、蘇亞雷斯上陣，會有好大嘅傷患風險。」
資料&圖片來源：FB@叱咤903 在晴朗的一天出發、IG@toby_yanyan
請按此登錄後留言。未成為會員? 立即註冊