雯雯大病後激罕讚張致恒「神隊友」 稱是最感動的一次：主動分擔家務、煮飯煲湯 精選

張致恒（Steven）與老婆區燕雯（雯雯）結婚4年已育有4子，二人多次因經濟狀況鬧不和。為了一家未來有穩定收入，他們近日夫婦檔創立製作公司「Ugly Family Production Online」，除了親自做收費網上節目外，還提供拍攝和剪片服務，希望靠影片製作搵金。

不過，就在公司成立不久，雯雯就病倒並發39.1度高燒，以往Steven曾被老婆大罵「又廢又懶」，這次他卻有好好地卻擔起責任照顧全家，事後還獲雯雯讚是「神隊友」！

雯雯發文提到，他們一家六口有4個人都病了，情況緊迫：「我哋6個人，4個病，仲要經歷最差完全冇錢開飯，連bb發燒帶佢睇急症嘅錢都冇，bb喊足兩日冇停過，好彩最後都睇到醫生，仲要係你兩日孭住bb冇放低過，陪bb排左10個鐘睇醫生，屋企家務亦有主動分擔，尋晚亦盡你嘅能力煮咗一個晚餐，今日煲咗啲豬潤瘦肉湯畀我，對於我呢啲嚴重貧血，要食鐵丸嘅人，的確係幫助到好多。」

雯雯公開讚Steven：「張致恒... ...喺我今次大病終於變返神隊友，呢一年我最感動嘅一次，就算自己都發緊燒病都冇用來做理由乜都唔做。」雖然她不敢奢望老公突然轉死性，但雯雯在大病的3天看到Steven的付出，已非常感恩。雯雯激罕發布正能量帖子，這亦成了她IG上獲得最多讚好的發文，有逾1千網友送上Like鼓勵他們一家。
資料&圖片來源：IG@ugly__mama