73歲資深男藝人李龍基與37歲的王青霞（Chris）拍拖4年多，二人原定去年年尾拉埋天窗，不過由於Chris家中突然遇白事，婚事緊急煞停，有人懷疑Chris騙財悔婚，Chirs就親自接受傳媒訪問，稱自己家底優厚，自10歲就去了美國讀書，精通琴、畫、書法，還學過揸飛機，單是學費都超過$40萬美金，無必要貪圖李龍基的財產。
不過，Chris向傳媒提供的學費單及證書被發現有多個英文錯字，令人懷疑Chris的學歷做假，她送贈給名人的畫作亦被發現於淘寶有售，不少人猜測她「多才多藝」的形象也只是人設。另外，有一位名為「歐陽偉」的男士向YouTube頻道「Smart Travel」提供爆料影片，當中可見Chris在一間酒店房露臉自拍，對著鏡頭說︰「本人之借款，於2018年3月30日，借款3萬蚊… ...」，然後鏡頭由Chris移到她身後坐在梳化的男子身上。歐陽偉在「Smart Travel」直播時打電話親述事件，指自己於2018年透過微信徵婚認識Chris，他跟Chris發生性關係後借了3萬美金給女方，但女方最後只還了數百美金後就搞消失，令歐陽偉非常苦惱。
然而，昨日（21日）YouTube頻道「Smart Travel」的主持Tsar Pang的態度突然大逆轉，原本發放出多項獨家爆料的她，跟李龍基和Chris見面拍片，大讚他們是真愛，還稱叫歐陽偉的借錢事件，他們會「私底下解決」，叫網民不要再挖Chris的黑材料！
李龍基在影片中表示：「我對燈火講，佢絕對唔係貪我錢，因為咁多年來，佢從來冇同我講過一個崩。當然我有畀家用，而我梗有數㗎啦，攞穿曬我個底就唔得。」這時，主持Tsar就對觀眾說：「所以基哥醒目㗎，大家聽清楚喇，話Chris貪基哥錢，但Chris從來冇問基哥攞一個崩，基哥會畀合理嘅家用畀Chris。人哋喺埋一齊，好似倆公婆咁開心，唔使計唔多，當然大錢就要商量，但基哥唔係蠢，佢自己有分數，大家唔使擔心。」Chris補充，自己喜歡基哥不看外在，更多是喜愛對方的修養和內涵，基哥有很多優點值得她學習。
在Chirs和基哥分享完他們的愛情經歷後，Tsar總結：「好多網友搵Chris黑材料，話佢啲畫係咪淘寶買，又話假學歷，甚至歐陽偉嗰啲，阿偉嗰啲我哋會私底下解決，所以你哋唔使憂心。我喺度奉勸各位，唔好枉作小人喇，因為人哋本身真係一對好相愛嘅情侶，佢哋即將結婚喇，我哋係咪要祝福佢哋呢？因為真愛難求，如果真係咁難得... ...相信前世今生的話，就更加唔會對年齡界限有反對。我真係覺得你哋唔好留喺一個咁膚淺嘅層次，冇需要再挖佢哋嘅黑材料。」基哥對Tsar的說法大表贊同，並說：「佢（Chris）有佢嘅過去，我亦都有我嘅過去，佢唔嫌棄我，我都唔嫌棄佢，我哋以後落去，好好哋相親相愛。」此時Chris和基哥在鏡頭前親吻曬恩愛，上演了一場大和解，Tsar在旁也拍爛手掌，為之感動。
看到Tsar突然態度逆轉，不少網民感到不解，甚至有人不滿並退訂其頻道，YouTuber「伍仔」也評論Tsar當初明明是爆料的始作俑者，現時又轉口風指基哥和Chris真心相愛，做法離奇。至今日（22日）Chris已清空她IG上的所有帖文，基哥則向傳媒表示：「因為已經交給法律團隊去處理，所以不便再發表任何言論，見諒！」
資料&圖片來源：YouTube@Smart Travel
不過，Chris向傳媒提供的學費單及證書被發現有多個英文錯字，令人懷疑Chris的學歷做假，她送贈給名人的畫作亦被發現於淘寶有售，不少人猜測她「多才多藝」的形象也只是人設。另外，有一位名為「歐陽偉」的男士向YouTube頻道「Smart Travel」提供爆料影片，當中可見Chris在一間酒店房露臉自拍，對著鏡頭說︰「本人之借款，於2018年3月30日，借款3萬蚊… ...」，然後鏡頭由Chris移到她身後坐在梳化的男子身上。歐陽偉在「Smart Travel」直播時打電話親述事件，指自己於2018年透過微信徵婚認識Chris，他跟Chris發生性關係後借了3萬美金給女方，但女方最後只還了數百美金後就搞消失，令歐陽偉非常苦惱。
然而，昨日（21日）YouTube頻道「Smart Travel」的主持Tsar Pang的態度突然大逆轉，原本發放出多項獨家爆料的她，跟李龍基和Chris見面拍片，大讚他們是真愛，還稱叫歐陽偉的借錢事件，他們會「私底下解決」，叫網民不要再挖Chris的黑材料！
李龍基在影片中表示：「我對燈火講，佢絕對唔係貪我錢，因為咁多年來，佢從來冇同我講過一個崩。當然我有畀家用，而我梗有數㗎啦，攞穿曬我個底就唔得。」這時，主持Tsar就對觀眾說：「所以基哥醒目㗎，大家聽清楚喇，話Chris貪基哥錢，但Chris從來冇問基哥攞一個崩，基哥會畀合理嘅家用畀Chris。人哋喺埋一齊，好似倆公婆咁開心，唔使計唔多，當然大錢就要商量，但基哥唔係蠢，佢自己有分數，大家唔使擔心。」Chris補充，自己喜歡基哥不看外在，更多是喜愛對方的修養和內涵，基哥有很多優點值得她學習。
在Chirs和基哥分享完他們的愛情經歷後，Tsar總結：「好多網友搵Chris黑材料，話佢啲畫係咪淘寶買，又話假學歷，甚至歐陽偉嗰啲，阿偉嗰啲我哋會私底下解決，所以你哋唔使憂心。我喺度奉勸各位，唔好枉作小人喇，因為人哋本身真係一對好相愛嘅情侶，佢哋即將結婚喇，我哋係咪要祝福佢哋呢？因為真愛難求，如果真係咁難得... ...相信前世今生的話，就更加唔會對年齡界限有反對。我真係覺得你哋唔好留喺一個咁膚淺嘅層次，冇需要再挖佢哋嘅黑材料。」基哥對Tsar的說法大表贊同，並說：「佢（Chris）有佢嘅過去，我亦都有我嘅過去，佢唔嫌棄我，我都唔嫌棄佢，我哋以後落去，好好哋相親相愛。」此時Chris和基哥在鏡頭前親吻曬恩愛，上演了一場大和解，Tsar在旁也拍爛手掌，為之感動。
看到Tsar突然態度逆轉，不少網民感到不解，甚至有人不滿並退訂其頻道，YouTuber「伍仔」也評論Tsar當初明明是爆料的始作俑者，現時又轉口風指基哥和Chris真心相愛，做法離奇。至今日（22日）Chris已清空她IG上的所有帖文，基哥則向傳媒表示：「因為已經交給法律團隊去處理，所以不便再發表任何言論，見諒！」
資料&圖片來源：YouTube@Smart Travel
請按此登錄後留言。未成為會員? 立即註冊