「微辣」前經理人阿晶與組合成員不歡而散，阿晶和加蔥（林茂發）曾經是情侶，她自爆被加蔥強迫墮胎，離職前又與公司創辦人六毫子（陸志豪）等人有過節，後來受情緒病困擾，最終於去年7月自殺身亡。
近日，加蔥突然復出開直播，他對於事件發生後半年內出了107條片追擊他的YouTube頻道「日更頻道PLUS」（下稱日更頻道）表示不滿，認為對方為流量進行不實報導，質問：「你到底想要公道定熱度？」
今日（11日）下午，加蔥在YouTube開直播談論事件，表示自己曾提出向「日更頻道」提供資料，為自己討回公道，但對方怕加蔥給予的是假資料或帶有病毒，所以不敢接收。加蔥回應：「我覺得呢個理由唔成立，首先真同假，可以由觀眾去判斷，我都未畀資料你，你點解就話假呢？呢個係人格謀殺囉！可能你覺得我人格破產，講我咩我都反擊唔到，可能你係咁諗... ...但到今日，講咗件事半年，出咗107條片，而家我出嚟話畀資料你，你又突然話唔講？係咩原因呀？咁你呢半年做緊乜呀？之前冇資料，你求其揾你又報，而家畀資料，你又話驚假唔報... ...」加蔥表明願意提供自己手機內的所有資料給「日更頻道」求證。
「日更頻道」曾出片報導網傳加蔥到台北避風頭的消息，加蔥直斥：「呢張爛鬼圖，得啲文字，喺FB唔知乜鬼Group嘅太空號流出嘅，跟住你可以出條片？」
加蔥又指，「日更頻道」昨日（10日）在直播中說過：「『你個女、有咗小朋友、落咗佢、冷氣好熱、我唔去』，原來蔥哥咁X有型。」加蔥反駁：「想問你，你喺邊度睇到我係因為冷氣熱，所以唔陪佢（阿晶）做（墮胎）手術嘅？你喺邊度睇到呢樣嘢？有嘅麻煩你拎出嚟，大家求證吓。如果冇，點解你會講到呢句嘢？我而家手頭上，就有證據解釋到我當日點解唔陪佢去做手術，有曬我哋之間嘅對話，全部可以畀你求證。你冇資格話唔想講，因為你講X咗半年，然後你尋晚直播仲講咗呢段說話，你係有資格為我澄清返，畀返個公道我。」
加蔥直斥「日更頻道」是「打住正義旗號發洩嘅噁心人」，他表明直播結束後會透過TG將資料傳給「日更頻道」，亦希望跟頻道主持通話，過程可以錄音，以保障大家。他最後說道：「你呢107條片，係咪全部都經過人哋（阿晶）屋企人批准你再出？如果唔係，收嗲！唔好有著數就衝出嚟拎，有危險就縮返，有啲責任係要負返嘅，因為你誣衊咗我，你有責任還返個公道畀我。雖然你個頻道係要熱度，但呢刻我係要一個公道。」
資料&圖片來源：YouTube@Nathan Lam加蔥
近日，加蔥突然復出開直播，他對於事件發生後半年內出了107條片追擊他的YouTube頻道「日更頻道PLUS」（下稱日更頻道）表示不滿，認為對方為流量進行不實報導，質問：「你到底想要公道定熱度？」
今日（11日）下午，加蔥在YouTube開直播談論事件，表示自己曾提出向「日更頻道」提供資料，為自己討回公道，但對方怕加蔥給予的是假資料或帶有病毒，所以不敢接收。加蔥回應：「我覺得呢個理由唔成立，首先真同假，可以由觀眾去判斷，我都未畀資料你，你點解就話假呢？呢個係人格謀殺囉！可能你覺得我人格破產，講我咩我都反擊唔到，可能你係咁諗... ...但到今日，講咗件事半年，出咗107條片，而家我出嚟話畀資料你，你又突然話唔講？係咩原因呀？咁你呢半年做緊乜呀？之前冇資料，你求其揾你又報，而家畀資料，你又話驚假唔報... ...」加蔥表明願意提供自己手機內的所有資料給「日更頻道」求證。
「日更頻道」曾出片報導網傳加蔥到台北避風頭的消息，加蔥直斥：「呢張爛鬼圖，得啲文字，喺FB唔知乜鬼Group嘅太空號流出嘅，跟住你可以出條片？」
加蔥又指，「日更頻道」昨日（10日）在直播中說過：「『你個女、有咗小朋友、落咗佢、冷氣好熱、我唔去』，原來蔥哥咁X有型。」加蔥反駁：「想問你，你喺邊度睇到我係因為冷氣熱，所以唔陪佢（阿晶）做（墮胎）手術嘅？你喺邊度睇到呢樣嘢？有嘅麻煩你拎出嚟，大家求證吓。如果冇，點解你會講到呢句嘢？我而家手頭上，就有證據解釋到我當日點解唔陪佢去做手術，有曬我哋之間嘅對話，全部可以畀你求證。你冇資格話唔想講，因為你講X咗半年，然後你尋晚直播仲講咗呢段說話，你係有資格為我澄清返，畀返個公道我。」
加蔥直斥「日更頻道」是「打住正義旗號發洩嘅噁心人」，他表明直播結束後會透過TG將資料傳給「日更頻道」，亦希望跟頻道主持通話，過程可以錄音，以保障大家。他最後說道：「你呢107條片，係咪全部都經過人哋（阿晶）屋企人批准你再出？如果唔係，收嗲！唔好有著數就衝出嚟拎，有危險就縮返，有啲責任係要負返嘅，因為你誣衊咗我，你有責任還返個公道畀我。雖然你個頻道係要熱度，但呢刻我係要一個公道。」
資料&圖片來源：YouTube@Nathan Lam加蔥
請按此登錄後留言。未成為會員? 立即註冊