已移居台灣的藝人杜汶澤近年依然非常關注香港娛樂圈，《叱咤樂壇流行榜頒獎典禮2023》昨晚（1日）完滿結束，他對於MIRROR成員姜濤特別有感，今日（2日）突然在FB發長文討論姜濤，大膽談及鏡安法、姜濤肥胖、行內人擦鞋等問題，直言：「我關心嘅係佢嘅心理」。
杜汶澤表示：「佢（姜濤）真係肥。我冇資格笑人肥，我自己都肥到隻豬咁，不過我比較傳統，覺得偶像唔應該肥，自己都唔會開心啦！我覺得佢呢種肥可能係『壓力肥』，所以我關心嘅係佢嘅心理。」要解決壓力問題，杜汶澤認為姜濤需要放假，而且最少應該休息半年：「減吓肥，打吓波，去外國生活吓，唔上跳舞堂唔學唱歌，可以學下其他嘢吖，咁後生。不過唔建議去美國，X家剷乜嘢都加芝士加煙肉分分鐘返嚟仲肥。」
回憶初出道的姜濤，杜汶澤表示非常懷念：「好多年前我有次響電視台做嘢，響後台見到佢，佢係一個好有禮貌嘅小朋友，好可愛。但係而家見唔到佢呢種笑容。」他指出核心問題，認為網民及粉絲有份令姜濤脫軌：「其實盲目攻擊佢同埋瘋狂保護佢唔單止對佢都冇好處，對你哋自己嘅人生其實都冇乜營養吖。」
杜汶澤還直言：「行內人10個有9個都唔會講真說話，啲老鬼見到你咪擦鞋囉，對外猛讚你搏你啲fans都鍾意佢呀嘛，我哋以前叫「偷fan屎」，對內又唔敢得罪你。夥計就更加唔會出聲啦，好似劉德華咁，成日著條吊腳褲鬼咁核突，圍住佢嗰啲擦鞋仔個個都話靚呀靚呀，咁佢咪信囉！邊個夠膽講真說話㗎？死咗啦。所以佢啲同事一定同佢（姜濤）講：『你已經瘦咗好多啦！加油啊！』」杜汶澤奉勸：「如果真係錫佢就應該勸佢休息下，畀自己一個沉澱嘅機會，放鬆嘅空間，思考下人生，將來可以走更遠嘅路，而且一定會有進步！破釜沉舟層次一定更加高！」
資料&圖片來源：FB@杜汶澤
杜汶澤表示：「佢（姜濤）真係肥。我冇資格笑人肥，我自己都肥到隻豬咁，不過我比較傳統，覺得偶像唔應該肥，自己都唔會開心啦！我覺得佢呢種肥可能係『壓力肥』，所以我關心嘅係佢嘅心理。」要解決壓力問題，杜汶澤認為姜濤需要放假，而且最少應該休息半年：「減吓肥，打吓波，去外國生活吓，唔上跳舞堂唔學唱歌，可以學下其他嘢吖，咁後生。不過唔建議去美國，X家剷乜嘢都加芝士加煙肉分分鐘返嚟仲肥。」
回憶初出道的姜濤，杜汶澤表示非常懷念：「好多年前我有次響電視台做嘢，響後台見到佢，佢係一個好有禮貌嘅小朋友，好可愛。但係而家見唔到佢呢種笑容。」他指出核心問題，認為網民及粉絲有份令姜濤脫軌：「其實盲目攻擊佢同埋瘋狂保護佢唔單止對佢都冇好處，對你哋自己嘅人生其實都冇乜營養吖。」
杜汶澤還直言：「行內人10個有9個都唔會講真說話，啲老鬼見到你咪擦鞋囉，對外猛讚你搏你啲fans都鍾意佢呀嘛，我哋以前叫「偷fan屎」，對內又唔敢得罪你。夥計就更加唔會出聲啦，好似劉德華咁，成日著條吊腳褲鬼咁核突，圍住佢嗰啲擦鞋仔個個都話靚呀靚呀，咁佢咪信囉！邊個夠膽講真說話㗎？死咗啦。所以佢啲同事一定同佢（姜濤）講：『你已經瘦咗好多啦！加油啊！』」杜汶澤奉勸：「如果真係錫佢就應該勸佢休息下，畀自己一個沉澱嘅機會，放鬆嘅空間，思考下人生，將來可以走更遠嘅路，而且一定會有進步！破釜沉舟層次一定更加高！」
資料&圖片來源：FB@杜汶澤
請按此登錄後留言。未成為會員? 立即註冊