Chantel姚焯菲否認自家品牌服裝抄淘寶：我哋個質素一定高好多 精選

現年17歲的「星夢小花」姚焯菲（Chantel）近日與友人創立自家時裝品牌「Chantel x Ade」做生意，然而其品牌服裝被發現在淘寶上有相似款式，售價只需約人民幣81.9元（約港幣$90），品牌版本則賣$2,808，價錢足足差30倍有多！

Chantel昨日完成《聲夢飛行What We Become Live 2023》演出後接受訪問，表示留意到爭議。她解釋：「首先個布料係其一定唔一樣，嗰布料我睇完之後，就覺得我哋係用咗一個好唔同嘅布料，同埋我相信我哋個Quality（質素）一定高好多。我又唔覺得係抄囉，因為大家可能靈感相似，我哋絕對係用自己靈感設計。」另外，Chantel提到友人Adeline的媽媽是一位設計師，她為品牌提供了很多協助，大家都花了很多心血製作。
提到服飾定價過高的問題，Chantel回應：「如果大家負擔得起都可以買，但係如果覺得貴就可以考慮吓，唔一定須要買。但係呢件係好事，因為我哋嘅收入會全部捐畀香港乳癌基金會。同埋我都知有啲網民話我就嚟執笠，咁其實係就嚟執笠呀，因為個品牌只做3天，事情比較趕急，都係應吓節，唔會長期做，我亦係一分一毫都唔會收。」
資料&圖片來源：IG@chantelxade、TVB 娛樂新聞台、綜合媒體報導