「大劉」劉鑾雄今日（10日）突發召開記者會，就網上多則不實報導作出回應，當中有內地報導指，大劉將把自己80%財產分給前妻寶詠琴的子女劉鳴煒和劉秀融，剩下的20%則由現任太太甘比母子、前女友呂麗君及孩子繼承，文章形容「甘比被踢出局」！另外，還有傳聞指大劉上月中病危，獲劉鳴煒及時送往養和醫院搶救而救回一命，最後重新簽署遺囑。
大劉以往曾發聲明透露，自己早已將絕大部分名下財產作出處理，保障太太甘比及家人，而他口中的「家人」還包括呂麗君的子女，和前妻寶詠琴的子女，不希望甘比被抹黑。大劉今日再次強調：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻（甘比），叫我做乜我都會做。」大劉意指甘比聽話。
另外，大劉為自己命危闢謠，指：「新聞話我就嚟死，早幾日朋友問我有冇事，你睇下我而家個樣，係咪就嚟死，畀人激死就有。」大劉表示，相關謠言由某「賤人」請打手散佈，提到這位「賤人」，他稱：「後悔成年前幫咗個賤人，應該由佢破產。當日幫佢係唔想啲仔女有個阿媽破產，影響佢心情，但我睇返轉頭，真係由得佢破產好過，幫完佢有網上打手。」
根據大劉的話語推測，他口中的「賤人」有機會是他的前情人呂麗君（現名呂姵霖）。約1年前大劉被目擊與情斷8年的呂麗君一同現身銅鑼灣皇室堡，後來他發聲明指：「最近因呂小姐有困難，有事相求，本人為免小朋友受到影響的關係，遂與呂小姐達成商業協議。當日呂小姐只是在本人位於皇室堡的寫字樓簽署相關商業交易文件，然後在沒有相約之下一同乘搭電梯離去，並不是呂小姐與本人相約逛商場，在此之前，本人與呂小姐已多年沒有見面。」
被問到是否不會分財產給「賤人」，大劉就激動回應：「梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借，你睇佢買嗰個晉環，畀10% deposit，畀15%政府！你夠薑嘅，你畀晒現金啦！我見啲有錢佬老婆畀現金，收租唔駛驚個Payment吖嘛，但畀10%deposit，畀15%政府，你話係咪傻㗎？問題都唔係問題嚟嘅，你話係咪傻傻哋吖。」大劉重申：「又話全部財產轉畀個仔，甘比踢出局，點解要咁講呀，自己開心囉，講就有人信。」
另外，他為太太甘比澄清，指她沒有害他蝕錢，無論金融投資還是藝術，都有賺到。提到投資恒大出現虧損，他就表明甘比從來沒有參與，所有投資賺蝕屬大劉自己，隨即又反問：「報紙話我蝕500幾億，賺個啲唔計？」
資料&圖片來源：綜合媒體報導
大劉以往曾發聲明透露，自己早已將絕大部分名下財產作出處理，保障太太甘比及家人，而他口中的「家人」還包括呂麗君的子女，和前妻寶詠琴的子女，不希望甘比被抹黑。大劉今日再次強調：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻（甘比），叫我做乜我都會做。」大劉意指甘比聽話。
另外，大劉為自己命危闢謠，指：「新聞話我就嚟死，早幾日朋友問我有冇事，你睇下我而家個樣，係咪就嚟死，畀人激死就有。」大劉表示，相關謠言由某「賤人」請打手散佈，提到這位「賤人」，他稱：「後悔成年前幫咗個賤人，應該由佢破產。當日幫佢係唔想啲仔女有個阿媽破產，影響佢心情，但我睇返轉頭，真係由得佢破產好過，幫完佢有網上打手。」
根據大劉的話語推測，他口中的「賤人」有機會是他的前情人呂麗君（現名呂姵霖）。約1年前大劉被目擊與情斷8年的呂麗君一同現身銅鑼灣皇室堡，後來他發聲明指：「最近因呂小姐有困難，有事相求，本人為免小朋友受到影響的關係，遂與呂小姐達成商業協議。當日呂小姐只是在本人位於皇室堡的寫字樓簽署相關商業交易文件，然後在沒有相約之下一同乘搭電梯離去，並不是呂小姐與本人相約逛商場，在此之前，本人與呂小姐已多年沒有見面。」
被問到是否不會分財產給「賤人」，大劉就激動回應：「梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借，你睇佢買嗰個晉環，畀10% deposit，畀15%政府！你夠薑嘅，你畀晒現金啦！我見啲有錢佬老婆畀現金，收租唔駛驚個Payment吖嘛，但畀10%deposit，畀15%政府，你話係咪傻㗎？問題都唔係問題嚟嘅，你話係咪傻傻哋吖。」大劉重申：「又話全部財產轉畀個仔，甘比踢出局，點解要咁講呀，自己開心囉，講就有人信。」
另外，他為太太甘比澄清，指她沒有害他蝕錢，無論金融投資還是藝術，都有賺到。提到投資恒大出現虧損，他就表明甘比從來沒有參與，所有投資賺蝕屬大劉自己，隨即又反問：「報紙話我蝕500幾億，賺個啲唔計？」
資料&圖片來源：綜合媒體報導
請按此登錄後留言。未成為會員? 立即註冊