星光夜市$20四粒燒賣惹爭議 便利店即發文抽水：點夠喉？ 精選

政府推出「香港夜繽紛」活動振興本地夜市經濟，K11 MUSEA與星光大道合作於尖沙咀舉辦「星光夜市」，當中一家食店賣$20四粒燒賣而引發爭議，不少人認為其定價太高，直斥「食水深」！

後來該店發文解釋，表示他們其實主打賣手製辣椒油，燒賣只是「陪襯」，但燒賣都非常大粒，更是以鮮魚肉製作，店主認為$20四粒燒賣「明賣明賣」，參與市集2年從未更改售價，一直都有客人欣賞及支持。

不過，店家的發文未能平息風波，大部分網民依舊不認同店主的看法，此時一間連鎖便利店就於IG發布限時動態抽水，寫道：「一次食4粒點夠喉呀？梗係食10粒先夠啦！」該便利店的港式燒賣售價約為$16十粒，有優惠時更會賣$11十粒，非常實惠，一直以來都很受歡迎，但醬料方面就比較普通，合不合口味，全看個人喜好。

資料&圖片來源：LIHKG、網絡圖片