傳阿儀誤交損友遭公司雪藏 經理人林寶玉祝「友誼永固」 阿儀反擊：唔明公司點解唔鍾意我同黃榕一齊 精選 推薦

被稱「亞視一姐」的亞洲心動娛樂（AMM）旗下女藝人阿儀（薛影儀）早前傳遭公司放棄「雪藏」，全因她「誤交損友」唔聽話，經常跟對方在商業活動上做「義工」及做免費銷售工作，公司決定另捧新人女團。
▲有指該「損友」是黃榕

阿儀經理人林寶玉日前出席選美活動時接受訪問，表示阿儀並非遭到雪藏或懲罰，只是沒有工作安排，所以在家休息。看到相關報導，阿儀在社交平台發文進行反擊，寫道：「其實我同朋友參加活動，而唔通知公司，我怕公司唔比我參加我都唔明公司點解唔鍾意我同黃榕一齊？佢覺得黃榕有咩唔好呢？其實黃榕係心地善良嘅人！我之前都已經解釋左我係冇誤交損友，佢哋係我好朋友嚟呀！佢哋冇帶壞我呀！我之前有活動約啲朋友出去玩，認識到好多新朋友，寶玉之前嬲我，可能我講過啲嘢，佢又唔鍾意。」

不少網友勸阿儀乖乖聽話保住飯碗，有見及此，黃榕也親自留言作回應：「阿儀也是心地善良的人，希望你未來工作順利，大家努力工作，努力生活。我發誓從來都沒有安排商業活動和產品銷售工作賺取她金錢，以後放假才玩，希望你繼續在工作上發光發亮。」不過，網民對此不買帳，表示：「你害死呀儀了，而家公司雪藏佢，你仲希望佢工作上發熱發亮，好難聽」、「搞到阿儀出事又係寶玉幫手，你乜X都冇做過！」、「咪再扮好人啦，好嘔心呀你，搞到阿儀依家無工開，仲要搞到阿儀同寶玉反面，你都算好野啦你」等。

黃榕留言：

網民留言：


資料&圖片來源：IG@ching_yee0205