劉馬車涉非禮獲准保釋候查 突然拍片交代身後事 感嘆失去自由好痛苦：我本性唔壞 精選 推薦

極具爭議的網絡紅人劉馬車涉嫌於天水圍分別非禮3名13至14歲的女童，被控3項非禮罪，案件於本月13日在屯門裁判法院再提堂，劉馬車自5月起還押候審，保釋一度被拒，至昨日（23日）他突然更新YouTube，指自己已暫時獲准保釋候查。

劉馬車於片中感嘆：「失去自由真係好痛苦，非常非常非常痛苦呀。」他在片中感激每位曾關心和教育過他的懲教署人員，指阿Sir看著他斷斷續續坐監坐到27歲，知道自己很不爭氣：「我都好想你哋知道，其實我本性唔壞，好多時候我自己知道自己心理有問題，我係好多情緒、好多壓力，我都好想多啲人關心我。」他強調自己是個飲水思源的人，他在收押所感受到很多人情冷暖，他自知不懂做人，很容易得罪他人，幸好獲善心阿Sir鼓勵，他不會忘記這些好意。

劉馬車又談到，自己在收押所看到李玟逝世的消息，心裡非常不舒服：「我好明白佢，佢呢種人係平時好樂觀、好陽光地面對身邊人，但其實佢心裡面好多痛苦、好多壓力，但係佢唔會展現呢一面畀人哋睇。有時我都好想死咗佢，因為我呢種人衰到無得再衰呀，真係衰到貼地呀，不斷不斷咁坐監、不斷不斷咁衰咗... ...但係我真係好希望有啲人願意明白我，有時我情緒出現問題，我壓力好大，我就會做錯事囉。我唔知道自己幾時會死，但係我暫時諗，我要去承擔埋呢啲罪責先，我之後先會去死囉！」

劉馬車形容自己如「終身監禁分期執行」，自己到過監房、看守所、收押所、精神病院、男童院... ...屈指一算，沒有自由的時間，都有8年之多，人生三分之一時間都失去自由，這些日子心裡面其實很慌張，很怕身邊人都會離他而去。劉馬車不斷在影片暗示自己希望尋死，但在「解脫」前這段人生最後的時光裡面，他想做多點善事贖罪，他呼籲大家可以幫神父Father John派飯，在社會散播人情味和正能量。

劉馬車感嘆：「人總有一死，早死遲死遲早都要死，與其好似我咁樣活得人唔似人、鬼唔似鬼，之前出出下街夜晚都畀人打一鑊嘅... ...咁呀... ...但我都好希望用我嘅過去，勉勵每一位社會上生活得唔如意嘅朋友仔，睇到我暫時都未去死啦，遲啲先，希望你哋都唔好放棄，因為每個人都有自己嘅陰暗面，如果有人攻擊你，我覺得唔緊要。」劉馬車保釋外出後已不斷更新YouTube，短短2天已上傳了20多條影片，但他看起來情緒不穩，行為飄忽，各位還是斟酌觀看其頻道。



求助熱線：
香港撒瑪利亞防止自殺會熱線：23892222
醫院管理局精神健康專線：24667350
東華三院芷若園熱線︰18281
撒瑪利亞會熱線︰28960000
社會福利署熱線︰23432255
生命熱線：23820000
利民會《即時通》：35122626
明愛向晴熱線﹕18288

資料&圖片來源：YouTube@劉馬車