有「抽水王」之稱的林作曾獲大律師資格，近年從事保險業，日前因模仿鑽石山商場兇案疑犯的造型而引發爭議，遭網民猛烈抨擊，他任職的保險公司更發表聲明與林作中止合約，被炒的林作昨日（5日）下午6時在其半山寓所召開記者會回應事件。
林作在其代表律師David的陪同下發表3點聲明：「第一，喺目前情況之下，我嘅客戶同團隊唔會受影響，因為我團隊依然留於舊公司，包括我助手，無人有利益受損；第二，有新聞報道指我團隊成員與我割席，說法唔正確，事實係我要求佢哋唔好喺非必要嘅情況下離開自己崗位，因為佢哋嘅承諾係對客戶最大嘅忠誠，我要求團隊所有人盡忠職守；第三，有非常多客戶自發地向我前公司作出投訴，要求解釋點解將客戶利益置於網民之下，尤其是有網民莫名其妙地用極端恐嚇性字眼，呢啲客戶要求我將佢哋嘅抱怨在網上公開。」
另外，林作稱前公司在沒有作出通知下發出公告，針對前公司發表的聲明林作就2點提出質疑：「首先，話我嘅言論違反咗佢哋嘅『社交媒體守則』，在我角度嚟睇，我認為好難講得通。在過去幾年，我嘅抽水事件，甚至係抽着火水事件，係不少嘅，傳媒話我過去1年至少都有7單，無論抽死人水、抽其他人水、抽DNA水，但都似乎未被視為有任何問題。但今次卻係同樣地冇涉及我專業操守嘅情況下，被視為違反守則，我對此唔同意；第二，我極不同意前公司話我嘅價值觀同佢哋『背道而馳』，咁嘅罵名，我恕不能接受。呢個係前公司不尋常舉動，我作為一個無名小卒都要保護自己，要嚴正聲明我話我唔同意。講價值觀背道而馳係好嚴重嘅指控，公司應該交代呢個係咩意思，否則會嚴重影響我將來工作嘅可能性。」
林作補充，自己對事件無道歉意願，認為言論自由，在今時今日的香港更加需被保護。他表明，更多詳細內容有待和律師仔細商討後再公開，但表明會以書面形式回覆前公司，並要求對方作出解釋。
資料&圖片來源：IG@jolamchok、綜合媒體報導
林作在其代表律師David的陪同下發表3點聲明：「第一，喺目前情況之下，我嘅客戶同團隊唔會受影響，因為我團隊依然留於舊公司，包括我助手，無人有利益受損；第二，有新聞報道指我團隊成員與我割席，說法唔正確，事實係我要求佢哋唔好喺非必要嘅情況下離開自己崗位，因為佢哋嘅承諾係對客戶最大嘅忠誠，我要求團隊所有人盡忠職守；第三，有非常多客戶自發地向我前公司作出投訴，要求解釋點解將客戶利益置於網民之下，尤其是有網民莫名其妙地用極端恐嚇性字眼，呢啲客戶要求我將佢哋嘅抱怨在網上公開。」
另外，林作稱前公司在沒有作出通知下發出公告，針對前公司發表的聲明林作就2點提出質疑：「首先，話我嘅言論違反咗佢哋嘅『社交媒體守則』，在我角度嚟睇，我認為好難講得通。在過去幾年，我嘅抽水事件，甚至係抽着火水事件，係不少嘅，傳媒話我過去1年至少都有7單，無論抽死人水、抽其他人水、抽DNA水，但都似乎未被視為有任何問題。但今次卻係同樣地冇涉及我專業操守嘅情況下，被視為違反守則，我對此唔同意；第二，我極不同意前公司話我嘅價值觀同佢哋『背道而馳』，咁嘅罵名，我恕不能接受。呢個係前公司不尋常舉動，我作為一個無名小卒都要保護自己，要嚴正聲明我話我唔同意。講價值觀背道而馳係好嚴重嘅指控，公司應該交代呢個係咩意思，否則會嚴重影響我將來工作嘅可能性。」
林作補充，自己對事件無道歉意願，認為言論自由，在今時今日的香港更加需被保護。他表明，更多詳細內容有待和律師仔細商討後再公開，但表明會以書面形式回覆前公司，並要求對方作出解釋。
資料&圖片來源：IG@jolamchok、綜合媒體報導
請按此登錄後留言。未成為會員? 立即註冊