曾打造香港大熱男、女團MIRROR和COLLAR的ViuTV選秀節目《全民造星》迎來第5季，《造星V》昨日（15日）正式首播，節目氛圍卻似乎比以往少了份熱血和火花，除了參賽者水平不亮眼，花姐（黃慧君）也因為由監製轉為總顧問，而投入度大減。
前4屆《全民造星》均擔任監製的花姐，今屆退出轉任總顧問，她在節目中哽咽解釋：「呢個節目已經對我冇意義。我想話《造星I》對我人生好大轉變，因為嗰個係第一個監製節目，所以我覺得自己好投入喺節目入面，我覺得節目好好睇，跟住創造咗MIRROR同ERROR。去到《造星II》開始，因為我轉咗身分，可能嗰刻所做嘅都係為咗MIRROR。去到《造星III》，我心諗我做緊乜嘢？我係為咗乜嘢？《造星IV》係為咗COLLAR？但其實我又唔係真係好投入到，呢個節目對我嚟講已經... ...唔知呢... ...」
本屆節目參賽者為全男班，練習節目主題曲《前傳》的歌舞時，可見不少囝囝欠缺跳舞經驗，亦有人態度懶散，花姐忍不住狠批：「你哋肯定自己嚟參加《全民造星》？你哋𠵱家呢啲質素，上呢個節目都係畀人恥笑嘅，喪郁係冇用嘅，啱啱好核突，我覺得今年質素比較差，咁你哋點樣覺得可以喺1月參加第一回合比賽而唔被淘汰呢？」她續說：「鬧唔落呀，呢班真係太差呀，呢班搞唔掂呀﹗」花姐隨即離開排舞室，有部分參賽者因嚴厲的教訓而落淚。
另外，有份擔任導師的歌手馮允謙（Jay Fung）亦被花姐批評為人太過斯文心軟、唔識鬧人，令Jay Fung感到為難，表示：「I feel like a dick. I don’t like this」他一度希望退出節目，後來花姐出面安撫，才能決定繼續參與。
《造星V》開局已面對種種難題，未知今屆能否再次打造耀眼的新星？各位敬請期待。
資料&圖片來源：ViuTV
前4屆《全民造星》均擔任監製的花姐，今屆退出轉任總顧問，她在節目中哽咽解釋：「呢個節目已經對我冇意義。我想話《造星I》對我人生好大轉變，因為嗰個係第一個監製節目，所以我覺得自己好投入喺節目入面，我覺得節目好好睇，跟住創造咗MIRROR同ERROR。去到《造星II》開始，因為我轉咗身分，可能嗰刻所做嘅都係為咗MIRROR。去到《造星III》，我心諗我做緊乜嘢？我係為咗乜嘢？《造星IV》係為咗COLLAR？但其實我又唔係真係好投入到，呢個節目對我嚟講已經... ...唔知呢... ...」
本屆節目參賽者為全男班，練習節目主題曲《前傳》的歌舞時，可見不少囝囝欠缺跳舞經驗，亦有人態度懶散，花姐忍不住狠批：「你哋肯定自己嚟參加《全民造星》？你哋𠵱家呢啲質素，上呢個節目都係畀人恥笑嘅，喪郁係冇用嘅，啱啱好核突，我覺得今年質素比較差，咁你哋點樣覺得可以喺1月參加第一回合比賽而唔被淘汰呢？」她續說：「鬧唔落呀，呢班真係太差呀，呢班搞唔掂呀﹗」花姐隨即離開排舞室，有部分參賽者因嚴厲的教訓而落淚。
另外，有份擔任導師的歌手馮允謙（Jay Fung）亦被花姐批評為人太過斯文心軟、唔識鬧人，令Jay Fung感到為難，表示：「I feel like a dick. I don’t like this」他一度希望退出節目，後來花姐出面安撫，才能決定繼續參與。
《造星V》開局已面對種種難題，未知今屆能否再次打造耀眼的新星？各位敬請期待。
資料&圖片來源：ViuTV
請按此登錄後留言。未成為會員? 立即註冊