RubberBand為鼓手泥鯭言論道歉仍受抨擊 製作人發長文撐MIRROR:乜嘢令人咁妒忌呢班年青人

深夜清酒梳打 於 11/05/2023 發表 收藏文章
日前《CHILL CLUB頒獎典禮2023》圓滿結束,MIRROR成員姜濤奪得「年度男歌手銀獎」,在台上發表感言時逐一向11位成員「示愛」說出心中話。當晚獲得「年度樂隊銀獎」的RubberBand雖然沒有出席典禮,但鼓手泥鯭(黎萬華)就有觀看節目,在FB連發多則帖子評論頒獎禮,當中疑似爆粗嘲諷姜濤,指:「多謝說話定係『鼓勵』說話?!WTX?!係咪Short X咗?!修哥都講唔出啦」、「嘩,頒唔尷尬,攞唔尷尬,唯有睇嘅尷尬」等。事件引起風波,後來他更自嘲犯「鏡安法」,表示:「與有榮焉。」

RubberBand昨晚(10日)在社交平台發文就作出回應,表示:「對於隊友近日失言而引起的風波,我們感到非常抱歉。」然而,樂隊道歉後仍繼續大受抨擊。FB專頁「製作人。睇電視 - 王子希」就發長文撐MIRROR而受到關注,當中專業管理人表示自己曾與RubberBand主音6號(繆浩昌)合作,在看到泥鯭嘲諷姜濤後,他感到憤怒。
loading

王子希寫道:「我聽到泥鯭講呢啲說話嘅時候,我都幾嬲。嬲嘅唔係去詆毀姜濤,係佢講到成個樂壇,好似大家都唔需要努力,唔需要做任何嘢,就會得到咁Fans嘅結果。我聽到呢啲說話簡直對我哋呢啲咁多年台前幕後,所有製作人同Artists嘅最大侮辱。」他為MIRROR發聲:「將心比己,喺疫情開始嘅時候,有幾多人冒險喺度努力工作?有幾多有地位嘅歌手隱世兩年?其實唔止mirror,仲有而家成班年青嘅歌手,就好似你哋當年畀人鬧,唔識唱歌求求其其就話出嚟做歌手。我今日同當年對你哋一樣,都係希望畀多啲人認識同之支持你哋。當年同你哋一齊出到嘅歌手,好多已經返咗大陸搵人民幣,甚至有歌手呀喺大陸三四線歌手待遇都好過香港啲垃圾歌手。」

回憶香港樂隊曾陷入黑暗時代,無論樂隊如何努力,都被指誤無法超越黃家駒:「喺十幾年前,有班所謂嘅香港人,不斷喺度鬧,香港啲band全部都係垃圾,自從黃家駒死咗之後香港就再冇樂隊。我聽到呢啲說話嘅時候,我好嬲,我相信呢啲人根本連香港樂隊嘅歌都未聽過,因為自己唔識就話人唱得差,冇努力,冇實力。加埋啲媒體渲染,淨係識得懷念黃家駒,令到大部分香港人都係咁諗。」不過,RubberBand沒有放棄香港樂壇:「因為你哋一直都堅持係香港,《發現號》開始,多咗人認識RubberBand,《睜開眼》畀人知道RubberBand係屬於香港真正嘅樂隊,到《逆流之歌》所有人都覺得香港樂隊嘅歌好好聽,仲帶動唱片公司請多好多新一代嘅樂隊。都喺《未來見》、《ciao》,令到香港人無論喺世界每一處,都會繼續支持香港嘅樂壇 。所以你一句說話,否定晒香港所有歌迷個智力,否定晒咁多年喺香港努力做返個壇出嚟嘅所有製作人同歌手。我好驚你哋真係覺得你哋講嘅嘢係冇問題。」

王子希澄清自己並非「鏡粉」,但會全力支持所有為香港樂壇努力的年輕歌手,他對曾經努力打拼、身為前輩的泥鯭感到失望:「我唔知有乜嘢令到你哋有人咁妒忌呢班年青人,但你哋作為過來人我真係咁都好驚訝,希望你哋真係要好好地傾下究竟你哋想做啲乜嘢,你哋想做支持香港嘅前輩,定係做當年恥笑班年青歌手嘅老屎忽。」王子希同時替RubberBand的粉絲感到心痛:「好多支持你嘅Fans同時間都係鏡粉嚟,佢哋咁多年有真金白銀買你哋嘅歌同埋演唱會飛,我而家真係覺得佢哋好似畀人出賣咗一樣。」

資料&圖片來源:FB@製作人。睇電視 - 王子希、IG@rubberband、IG@mirror.weare
標籤: RubberBand  泥鯭  黎萬華  MIRROR  姜濤  

留言


請按此登錄後留言。未成為會員? 立即註冊
    快捷鍵:←
    快捷鍵:→