「浪浪送行者」嘲笑Alton錄音流出 負責人致歉：承認有笑佢但後來徹底改觀 精選

MIRROR成員Alton（王智德）去年主持ViuTV節目《勁騎26》，其中一集與義工組織「浪浪送行者」（下文簡稱為「浪送」）一同處理屍身腐爛發臭、佈滿蛆蟲的流浪動物屍體。本身有潔癖的Alton在拍攝當日調整心態，落力完成清理程序，克服心理關口，但事後卻遭「浪送」負責人阿峰和其太太Sammi嘲笑，指：「佢根本就覺得好污糟好X驚」、「佢擘到大字馬之後烏前，拉筋咁嘅款，驚有毒咁X樣」、「都幾X肉酸」、「佢真係夾硬谷出嚟㗎啲眼淚，好X流」等，相關對話錄音流出，在網上廣泛流傳。



「浪送」昨晚（10日）在社交媒體發文就事件致歉，承認嘲笑Alton的對話錄音屬實，但他們後來被Alton的所作所為感動，而徹底改觀。帖文首先提及錄音曝光的來龍去脈：「團隊拍攝《勁騎26》，第一部份係於2022年1月7日至1月8凌晨進行拍攝，而流出嘅錄音亦係於當日錄嘅。對於呢部份嘅錄音內容，我哋係唔會否認無講過，因為呢個係確實當時嘅感覺。而呢個錄音，只係錄咗喺當時嘅Admin Group，成員包括我同峰，只有4個人。而其中一個Admin係因為自身行為唔良好，在任浪浪送行者其間不停私約女義工，最後喺不能容忍下被揭發，及後自行離隊。是次公開內部極其私密嘅錄音，司馬昭之心，路人皆見。 」
浪送負責人解釋為何後來他們對Alton改觀：「我哋在拍攝第2部份《勁騎26》， 即於2022年1月10日善終片段及在完成拍攝後當Alton及團隊親身遇見往生狗狗，再向我地求助。我亦曾說過被Alton嘅行動感動咗，亦直至2022年1月10日在鏡頭後所見，徹底對Alton 改觀（附上我本人於2022年1月10日嘅對話，全無刪減），至於點解造謠者只係講1月8日而唔講我1月10日講過嘅野，我相信，有眼晴都知道發生緊咩事。」他們表示，當日Alton致電通知「浪送」有狗狗往生，一直等義工到現場及落手幫助往生狗狗，他們一一看在眼內，亦被Alton那份真誠感動。 他們強調，在拍攝前對MIRROR並不了解，但認為「每個人都會因為發生過嘅事、感受過嘅事而對某事某人改觀。」「浪送」負責人為錄音內容致歉，Sammi和峰承認自己是性情中人，一向有話直說。▲改觀對話證據

「浪送」亦於IG發文，再次承認拍攝後有嘲笑過Alton，但由於Whatsapp群組只有4人，所以「當八婆咁傾計」，笑完就算，但當時不知道Alton原來有潔癖，亦不清楚他本來就眼淺，流淚並非做戲。他們亦在帖文中公開「搞事者」是名為「kazel Li」的前浪送義工，直斥他是「狗公」、「傳說中嘅家室男」、「溝唔到就認契妹」、「畀人踢爆就發爛渣」等。

「浪送」今早（11日）再發聲明：
　
資料&圖片來源：FB@浪浪送行者、IG@protectstray2021