劉⾺車被拒參加《造星5》 踩上ViuTV門口控訴:繼續捧你哋嘅姜濤囉,你哋根本就唔接納有心追夢嘅人

深夜清酒梳打 於 23/02/2023 發表 收藏文章
早前,劉⾺車公開表明有意參加ViuTV《全民造星5》,於是透過朋友搭線,私下與節目監製花姐(黃慧君)及幾位ViuTV高層會面。不過,在面談後,劉⾺車立即在其YouTube頻道拍片爆喊,直言:「花姐,多謝你對我嘅奚落、羞辱,多謝你深深咁傷害咗我,多謝你令我成長,令我睇清楚同明白好多嘢,為我上咗人生寶貴嘅一課。」



⾺車聲稱花姐及ViuTV高層在會面期間,對馬車說:「如果你痴線啲,我哋或者都會考慮畀你 , 係咪呀?即係你上吓嚟,我哋電視有啲gimmick呀,可以吸引多啲人。如果你正正常常上嚟唱歌跳舞呀,使鬼要你咩!你又唔係靚仔,你白卡嘅,你就係一個痴線佬,你就應該做返人哋想你做嘅嘢!」對此,⾺車感到被侮辱,昨日(22日)下午突擊踩上ViuTV公司門口,向記者傳媒控訴ViuTV的不是。

劉⾺車公開表示:「花姐令我明白到呢個娛樂圈有幾多潛規則,係幾咁黑暗。我係好想正正經經參加《全民造星5》呢個比賽,但係你為咗節目效果,你竟然要我去做一個癡線佬,要去癲,要我去鬧你哋,但我覺得自己唔想做呢啲嘢囉。」

他續指,ViuTV經常說希望給年輕人追夢的機會,但到頭來,其實想靠嘩眾取寵的節目效果追收視:「咁你哋咪繼續捧你哋嘅姜濤,繼續捧你哋嘅MIRROR囉,你哋根本就唔係真正願意去接納有心、有夢想參加節目表演嘅年青人。」⾺車指,自己大鬧ViuTV,某程度上等如為ViuTV做宣傳,但他這次其事只想平靜地表達感受。
劉馬車又預告,自己將參與加密貨幣分析師東記策畫的遊戲節目《全民林寶》,若勝出可獲得價值300萬的超級跑車一部,馬車給自己很大信心,望靠這個機會逆轉人生,報答爸爸。另外,馬車又會在本周日(26日)跑勻全港,路線暫定會由天水圍跑到尖沙嘴再到馬鞍山,他希望證明自己真心熱愛跑步,也想透過跑步散布正能量,鼓勵大家超越自己。


資料&圖片來源:YouTube@劉馬車

留言


請按此登錄後留言。未成為會員? 立即註冊
    快捷鍵:←
    快捷鍵:→