雖然廣東歌的國際市場未算龐大，但歌曲其實都需要一個英文名旁身，皆因近年市面上多了幾個需要有「廣東歌 English Title 」的平台，如Billboard、Apple Music等。日前，Wyman（黃偉文）就在IG開Po，提醒唱片公司找他填詞，其實包「改英文名」這個售後服務，只是很多唱片公司太繁忙，而忘卻了這個選項。
Wyman表示：「雖然呢啲英文名市民大眾其實可能都未必留意到接觸到，但我哋呢啲對作品每個細節都有要求嘅人，就會覺得如果個歌名純粹變成一堆拼音，始終好似唔夠藝術又或者唔夠用心咁，所以如果唱片公司打嚟叫我改埋個英文名，我係一定冇托手踭嘅。事實上，作為一個鍾意文字嘅人，我甚至覺得幾好玩𠻹，所以久而久之，一啲比較多溝通嘅唱片公司同事，例如係華納同寰亞嘅 A&R，到時到候就會打俾我吹吓水，視一齊改英文名為一個有趣嘅智力遊戲兼聯誼活動。」
Wyman貼出Billboard截圖，指排行榜上頭三位歌曲的英文名都是出自他手：「《世一》點解叫 The One for You 呢，除咗因為首歌入面成日唱 for you 之外， @robinchi 同我都想首歌簡寫叫 T.O.F.U.，係咪好無聊呢？哈哈哈！咁《老派約會之必要》叫 A Gentleman’s Guide to Old-fashioned Dating 都算有花過心機吖。」
圖中可見，MIRROR成員Ian（陳卓賢）的個人單曲《寧靜海》就因為沒有英文名，而以拼音顯示。Wyman就指：「如果畀我改，我會叫做 『 Vale , Mare Tranquillitatis 』(即係「Farewell, Sea of Tranquility」嘅拉丁原名，如果熟拉丁文嘅朋友發現有錯，歡迎指正。）」
不過，Wyman明白唱片公司要兼顧的工作太多，未必知道他有提供這個改名服務，所以他就在這個貼文提醒各唱片公司，表示自己「隨時候命」！最後他強調：「真係溫柔而善意嘅提醒，希望唔好傳傳吓或者被其他媒體報道咗出嚟變成『Wyman暗寸唱片公司求乸其』，哈哈哈，我真係唔該晒大家。」
資料&圖片來源：IG@concertyy
Wyman表示：「雖然呢啲英文名市民大眾其實可能都未必留意到接觸到，但我哋呢啲對作品每個細節都有要求嘅人，就會覺得如果個歌名純粹變成一堆拼音，始終好似唔夠藝術又或者唔夠用心咁，所以如果唱片公司打嚟叫我改埋個英文名，我係一定冇托手踭嘅。事實上，作為一個鍾意文字嘅人，我甚至覺得幾好玩𠻹，所以久而久之，一啲比較多溝通嘅唱片公司同事，例如係華納同寰亞嘅 A&R，到時到候就會打俾我吹吓水，視一齊改英文名為一個有趣嘅智力遊戲兼聯誼活動。」
Wyman貼出Billboard截圖，指排行榜上頭三位歌曲的英文名都是出自他手：「《世一》點解叫 The One for You 呢，除咗因為首歌入面成日唱 for you 之外， @robinchi 同我都想首歌簡寫叫 T.O.F.U.，係咪好無聊呢？哈哈哈！咁《老派約會之必要》叫 A Gentleman’s Guide to Old-fashioned Dating 都算有花過心機吖。」
引用順便分享多幾首歌曲的名字：
給缺席的人唱首歌 Song for the Absentees
銀河修理員 Galactic Repairman
豐乳肥臀 Big Boobs Bubble Butts ( BBBB )
圖中可見，MIRROR成員Ian（陳卓賢）的個人單曲《寧靜海》就因為沒有英文名，而以拼音顯示。Wyman就指：「如果畀我改，我會叫做 『 Vale , Mare Tranquillitatis 』(即係「Farewell, Sea of Tranquility」嘅拉丁原名，如果熟拉丁文嘅朋友發現有錯，歡迎指正。）」
不過，Wyman明白唱片公司要兼顧的工作太多，未必知道他有提供這個改名服務，所以他就在這個貼文提醒各唱片公司，表示自己「隨時候命」！最後他強調：「真係溫柔而善意嘅提醒，希望唔好傳傳吓或者被其他媒體報道咗出嚟變成『Wyman暗寸唱片公司求乸其』，哈哈哈，我真係唔該晒大家。」
資料&圖片來源：IG@concertyy
請按此登錄後留言。未成為會員? 立即註冊