大劉鬧爆皇室堡踎地男後 澄清自己冇躁狂症 提塞春卷事件：話塞春卷、乒乓波、網球... 遲啲話我鍾意畀人塞添！ 精選

71歲富商大劉（劉鑾雄）上月與情斷8年的前情人呂麗君一同現身銅鑼灣皇室堡，途中大劉看到一名男子蹲在商場一角的柱下，大劉突然情緒激動，罵對方：「你做乜坐係度呀？你知唔知你阻X住晒呀！喂！走啦！使唔使搵人趕你呀？」

事後，相關新聞鬧得滿城風雨，大劉被指有躁狂症，人們亦非常關心他與舊愛呂麗君的關係。大劉對多年來的傳聞忍無可忍，昨日（3日）召開記者會交代他與呂麗君的關係，並澄清「塞春卷」、「塞乒乓波」等傳聞。

大劉解釋當日在皇室堡大罵踎地男之事，他說道：「狂躁症我就一定冇，創傷後遺症就好多，平均1個月打來我公司運吉白撞，少則十多個，多則有二、三十個。而點解（皇室堡）嗰時我咁驚呢？畀你（踎地男）躀一躀我跌落地下，我會死。好喇，當你唔躀到人，你冇戴口罩我中招呢，係高危嘅。你哋知道我移植過個腎啦，要食抗排斥藥，抗體好差㗎，我唔係怕死，我子女分別得4歲、10歲及14歲，我都希望活多幾年睇佢哋大。」

另外，大劉重提以往傳聞，他問在場記者，有沒有聽過他在福臨門塞春卷及乒乓波，他表示︰「唔好講話我做過，諗過都絕子絕孫！再遲吓話我鍾意畀人塞都得啦，你屈我有咩咁難？」他續說：「好多嘢谷谷埋埋，話塞春卷呀、乒乓波、網球呀，點樣喺飛機鬧人呀，摑人兩巴人哋喊呀，即刻攞張支票掟落人塊面度，我都隨身唔袋支票。啲人唔抵得我搵到少少錢，多幾個女朋友，咪踩你囉。造謠造非！遲啲唔係話我塞人，話我鍾意畀人塞添！都得㗎！」

而有關大劉重和呂麗君的關係，大劉已發出聲明澄清，指2人並非復合，而是呂麗君有難，他出手相助。

聲明內容：

引用1. 最近因呂小姐有困難，有事相求，本人為免小朋友受到影響的關係，遂與呂小姐達成商業協議。當日呂小姐只是在本人位於皇室堡的寫字樓簽署相關商業交易文件，然後在沒有相約之下一同乘搭電梯離去，並不是呂小姐與本人相約逛商場，在此之前，本人與呂小姐已多年沒有見面。
2. 上述有關交易純屬商業性質，並不構成本人對呂小姐任何財政照顧或支持。
3. 對於近日媒體出現網路打手，故意散佈謠言，不僅誤導公眾，亦對本人及本人家人造成滋擾，本人覺得有必要作出澄清。

4. 本人於2016年與陳凱韻結婚，亦早已將絕大部份名下財產作出處理，以防日後他人作出任何無理訴訟，所作一切無非為保障陳凱韻及家人，避免日後有人為一己私利，興風作浪。
5. 本人重申，本人與呂小姐除了作為小朋友的父母親外，並無任何關係，亦絕對不想有任何關係，請大家不要誤信網路打手不實傳聞，作出無謂的聯想或揣測。
6. 本人自2014年與呂小姐分手後，不相往來，是次作出此聲明，實屬逼不得已，為免他人乘機招搖撞騙。

資料&圖片來源：綜合媒體報導、網絡圖片