41歲唐寧拍片紀錄移居紐西蘭生活 爆喊回憶30年幕前生涯：我自己都唔係幾認識自己 精選 推薦

童星出身的41歲唐寧（本名：江麗娜）已淡出娛樂圈，於2017年與舞台劇導演兼演員鄧偉傑離婚後，獨力照顧一對子女。上月她透露已移居新西蘭，她積極在YouTube拍片分享移居生活，昨日（16日）發布的影片中，她試玩「極限鞦韆」，玩完後對人生有一點感悟，並在鏡頭前落淚。

經過一番內心掙扎，唐寧突破自我坐上極限鞦韆，挑戰成功後，她哭了出來，表示自己「唔係驚到喊，而係感動到喊」。她感嘆：「我自己由細做戲做到大，『唐寧』呢個名、呢個身份亦都跟咗我好耐，有時我都會諗，『唐寧』同埋『江麗娜』係有咩分別㗎呢。」

她續說：「『唐寧』成日都好似好開心，成日介紹呢樣介紹嗰樣，都好似知好多嘢咁樣 。但係『江麗娜』呢？『江麗娜』係點㗎呢？我覺得好似連我自己都唔係好認識自己。我認識嘅『江麗娜』其實係好怕事，好多嘢都唔敢去做，或者會驚自己做得唔好，或者驚自己做唔到。」

她認為真正的自己缺少了一份勇氣，有時會「唐寧」的身分包裝：「我好鼓勵大家，如果有嘢煩惱緊，不如就行開吓，去做啲你從來都冇做過嘅嘢，去咗先，或者會改變到你一啲諗法。」


資料&圖片來源：YouTube@Leila Kong 唐寧