疑似炎明熹助手被指大牌：一嘢掃開哂人哋啲凳，分分鐘仲衰過花姐 精選 推薦

近日一張GIF圖被放上討論區，可見炎明熹出席公開活動時，一名疑似其助手的人員走在她前方，一下子掃開全排座椅為炎明熹開路。該人員舉動略為粗魯，原本排放整齊的座椅被他一一扔開，網民批評指：「一嘢掃開哂人哋啲凳，經理人喺計，分分鐘仲衰過花姐。」另外亦有人攻擊炎明熹，斥：「當正自己係大明星呀？」

不過，仍有不少人認為助手行為未有不妥，表示：「個Event完咗未先？如果完咗，啲凳又只係等收嘅話好似真係冇問題喎」。亦有網民留意到炎明熹身後有攝影師拿著相機拍攝，認為助手是出於好意保障攝影師安全：「有咩問題？佢後邊仲有條友揸住相機影緊嘢，等陣仆Ｘ點算？」

有傳媒了解狀況，表示炎明熹當天所穿的鞋鞋踭極高，助手為免炎明熹絆倒而主動開路，並非炎明熹主動要求。

資料&圖片來源：LIHKG、IG@yiminghay