貝依霖被捕 林作翻3年前舊帳:抵死

深夜清酒梳打 於 29/11/2022 發表 收藏文章
現年28歲的性感KOL貝依霖(Chantale)因涉嫌推廣非法賭博網被捕,現已獲准保釋候查。警方調查後共拘捕7名年齡介乎20至30歲的本地女子,她們涉嫌「推廣或便利收受賭注」,其中一名被捕人屋內有76枝電子煙,另涉「管有第一部毒藥」而被捕。

貝依霖在IG公開表示,不滿傳媒大肆使用其照片報導相關資訊,指:「點啊世界盃又關我事又放落我啲相度,嗰啲咩尼古丁煙仔啲相又要放喺我張相度,不如全世界嘅事都關我事啦。跟住人哋啲對話Cap走晒個名,又擺落我個大頭度,全部嘢都寫到關我事,搞到啲長輩勁擔心。係咪唔拉banner我啲性感相新聞就冇人睇?就算講緊其他人其他嘢都要放我大頭相。」

而曾與貝依霖有「牙齒印」的「抽水王」林作昨日亦立即乘機出Po轟:「幾年前這位女士含血噴人,誣衊我。坦白,我連係咩都唔記得,當時淨係覺得這樣的人,終有一日要出來還。今日見到你出事,我只能話:抵死。」他解釋:「淨係記得當時我話社會正在發生很多大事,但啲靚模KOL依然喺度出海自拍,令我覺得噁心。無啦啦佢就自己對號入座,話我有問題。當時我的感覺就係此人很有心機,雖然淨係認識過一次,但都唔應該咁亂入,擺明係覺得我好適合被人任砌。今日,我依然屹立不倒,百毒不侵,連登男神。而你,準備Post監獄性感相吧!」

資料&圖片來源:IG@chantalebelle、IG@jolamchok
標籤: 貝依霖  Chantale  林作  

留言


請按此登錄後留言。未成為會員? 立即註冊
    快捷鍵:←
    快捷鍵:→