ViuTV宣布《全民造星V》面試12月開始 大量負評湧入:又嚟?真係當冇嘢發生

深夜清酒梳打 於 04/11/2022 發表 收藏文章
自7月舉行《全民造星V》記者會宣布節目詳情後,ViuTV今午在FB發文宣布《全民造星V》面試將於12月正式開始。
▲本次《造星》首次接受海外人士報名,在香港、溫哥華、吉隆坡三地同步招募,只接受男性報名。

相關貼文一出立刻引來關注,大量負評湧入,批評:「不如俾多啲資源心機搞好舊果批先啦」、「幫人追夢為名,又係時候搵廉價勞工,到時個廠景唔該畀多少少錢搭穩啲!」、「又嚟呀?Viu廠穩唔穩陣會唔會跌嘢落嚟㗎?駛唔駛參加者簽免責受傷條款㗎?」、「要唔要過頸椎測試」、「真係當冇嘢發生 ,好嘢」、「花姐都唔想再玩喇,又嚟?」等。

不少人對於ViuTV未待MIRROR演唱會事故平定,就急於舉辦《造星》而不滿;亦有人認為ViuTV應投放資源培育現有藝人。貼文下幾乎一面倒全是負評,ViuTV未有作出回應,相信會按照計畫拍攝《全民造星V》。

資料&圖片來源:FB@ViuTV
標籤: 全民造星V  ViuTV  Viu  

留言


請按此登錄後留言。未成為會員? 立即註冊
    快捷鍵:←
    快捷鍵:→