「細龍太」陳偉琪借錢改名「陳思圻」 爆曾遭《愛回家》前輩以粗口指罵

深夜清酒梳打 於 10/09/2022 發表 收藏文章
在《愛‧回家之開心速遞》飾演「細龍太」的陳思圻(原名陳偉琪),近日接受林柏希主持的網上節目《月傾會》訪問,透露為了請師傅改新名,特地問朋友借錢,對此林柏希表示:「起碼10萬蚊改個名喎,你都幾富貴喎!」

陳思圻指自己離巢TVB後有點迷失,好希望人生有個新方向,於是找好友借錢改名尋求新開始:「我問我啲好Friend嘅Friend呢,就話『可唔可以借住少少嚟先』,跟住我就逐個月逐個月還返畀佢哋。」

陳思圻參選港姐後加入TVB成為藝員,當年因身材勁爆,被稱為TVB新一代爆乳『咪神』。形象性感的她,大爆不少娛樂圈黑幕,原來不少人垂涎她的美色,有知名導演曾在辦公室提議以每月$2萬元包養陳思圻,並試圖強吻她,陳思圻嚇得立刻逃跑。林柏希追問:「你一定唔會接受,定係未到價先?我成日覺得一個人心目中總有個(理想)價,例如開3千萬一晚你得呀?」陳思圻表示:「唔會囉,因為你個遺憾係一世。」

被問到在TVB有沒有委屈經歷,陳思圻透露,拍攝《愛回家》時受了不少氣:「好多人會想教你點樣做嘢,咁我唔知你係真心想教我吖?定係你想Show畀大家睇,你係Number one呢?」她表示有前輩會直接用粗口指罵她:「直接就X交叉(用粗口罵)你,你識唔識做戲㗎。但其實你只係行咗入個景睇緊啲位,諗緊點樣做,就已經開始X交叉你啦。」

不過,陳思圻表示,自己仍很感激《愛回家》編劇,會按照陳思圻的性格設計「細龍太」一角,如果TVB邀請她回巢拍劇,她也願意回去:「純粹係因為我知道好多觀眾成日同我講『等緊你返去』,到𠵱家仲等緊我返去喎,兩年喇,而家仲等緊我返去!」



資料&圖片來源:YouTube@盒子 BOX channel

留言


請按此登錄後留言。未成為會員? 立即註冊
    快捷鍵:←
    快捷鍵:→