《ONE PIECE》劇場版送AK、Marf明信片惹OP迷不滿:可唔可以尊重一下尾田老師

深夜清酒梳打 於 26/08/2022 發表 收藏文章
《ONE PIECE》(海賊王)劇場版電影《ONE PIECE FILM RED》昨日(25日)在港上映,不少動漫迷已率先購票觀看。然而,有觀眾看完電影到連登開po抱怨,罵的內容與電影無關,而是入場附送的特典!

香港的觀眾只要購買2D版戲飛一張,就會送有份擔任粵語配音的MIRROR成員AK或COLLAR成員Marf的珍藏明信片。對此,網民大罵:「當我買戲票送張爛鬼MIRROR明信片畀我嗰時,我個心有幾痛。」他不滿明信片設計中,明明《ONE PIECE》才是主角,但角色圖片只佔一小角,AK和Marf成為特典主角:「點解唔可以日配同粵配分開特典?點解唔可以(印刷)兩面?點解支持咗20年都有嘅OP迷,去睇OP電影收到嘅特典要係一張『妹仔大過主人婆』嘅明信片?可唔可以尊重一下撒古斯、尊重一下尾田老師?」

網民還向鏡粉喊話:「鏡粉如果要X我嘅,唔該你代入一下我嘅心情。畀著係你,由MIRROR成軍開始就支持,支持咁耐去聽演唱會,買演唱會門票送明信片,但張明信片就係印住CCTVB嘅Super Tiger,你嗰吓又會係咩心情?」

不少OP迷也有相同感受:

然而,也有生粉(AK粉絲)反駁,指「大把生粉搶住要」、「OP迷唔要,我可以全部接收」。

資料&圖片來源:LIHKG
標籤: ONE PIECE  ONE PIECE FILM RED  海賊王  MIRROR  AK  COLLAR  Marf  

留言


請按此登錄後留言。未成為會員? 立即註冊
    快捷鍵:←
    快捷鍵:→