Arho Sunny NFT事件後恢復出片 連登網民怒插:用香港文化同小動物嚟博人同情

深夜清酒梳打 於 23/08/2022 發表 收藏文章
YouTube頻道「arhoTV」是由Sunny和Creamy共同經營,影片內容主要以生活、玩樂、巨大化、整蠱、挑戰、開箱、都市傳說為主,訂閱人數曾達至 52 萬,但在本年 6 月起,arhoTV決定推出NFT,內容被指涉及煽動未成年人士購買而遭批評,二人上載影片道歉並表示有意成立NGO推動本地藝術,然而網民不賣帳,隨後arhoTV被爆出售賣淘寶貨等負面新聞,其頻道訂閱人數現已跌至46.8萬。

在NFT事件過後,arhoTV曾上載影片介紹面臨清拆的志記鎅木廠,網民就留言表示:「想扮好人冼底都唔好咁明顯,你哋以前根本就唔拍呢類型嘅影片,無啦啦拍呢啲片扮到好貼地好關心呢啲嘢咁」,大力批評Sunny和Creamy想靠關注香港文化洗白。

時隔 1 個月,Sunny和Creamy由上周開始恢復原本的出片頻率,3段影片包括「挑戰情侶空中瑜珈」、「巨大化分子料理太陽蛋」及「在動物救援團隊做義工照顧小狗」。當中,Sunny和Creamy做義工的影片惹來大量負評,連登網民開po大罵:「Sunny你條仆X真係好X假,之前只係拍咩蒙眼挑戰、吃喝玩樂、Staycation、巨大化嘅片... …一條關於香港文化同小動物嘅片都冇!出咗事之後連出關於香港文化同救助動物嘅片,你老味你條垃圾係要幫香港文化同幫小動物嘅就一早出咗片講啦!之前仲有咁多訂閱,關注度咁高,而家出咗事,畀NFT、淘寶事件搞臭自己招牌之後,就出香港文化同小動物嘅片嚟博人同情,X你老味成件事噁心到... ...」

不少網民讚同說法,指他們是「一對騙子」、「好X仆X,要攞埋啲好慘嘅貓狗做洗白」,對Sunny和Creamy的新影片感到極度反感。

而Sunny在恢復出片後,曾在IG開問答,叫觀眾留下想法,不過Sunny至今未有公開任何一則所收到的回覆,未知 arhoTV 將來會如何營運下去呢?

資料&圖片來源:YouTube@arhoTV、LIHKG
標籤: Arho  Arho Sunny  arhoTV  Creamy  

留言


請按此登錄後留言。未成為會員? 立即註冊
    快捷鍵:←
    快捷鍵:→