Tyson Yoshi28歲生日 獲「黐線佬」張敬軒贈皮袋+銀飾厚禮 估計價值達六位數

Tyson Yoshi（程浚彥）今日（17日）迎來28歲生日，正日收到女友Christy準備的生日蛋糕，祝賀他踏入人生「LV. 28」。而日前，原來張敬軒早就為他送上大堆皮袋和品牌銀飾做禮物，價值估計達六位數，Tyson Yoshi忍不住叫張敬軒做「黐線佬」，表示：「多謝大佬送嘅禮物。」

原來，這批皮袋和銀飾是張敬軒「斷捨離」的物品，他將愛轉贈，並感謝Tyson Yoshi收留它們：「人生嚟到斷捨離嘅階段，希望可以將一啲曾經帶過快樂比自己嘅物品送俾喜歡佢哋嘅人，從而將嗰份快樂再傳遞落去。喺自己細個啲嘅時候，有啲物品有時都係令自己再努力啲嘅動力，而家即使將佢哋收埋咗嘅時候，拎返出嚟望住佢哋依然會記得嗰個時候嘅自己。我好開心可以見到自己當時擁有呢個物件嗰陣時嘅嗰個笑容重新出現喺另外一個人嘅面上，嗰份滿足感係比滿足更滿足。好多謝你收留佢哋。」

而Tyson Yoshi收到禮物後亦立刻帶寶貝袋出街，被Christy偷拍後放到IG，指：「開心嘅小朋友即刻用。」

資料&圖片來源：IG@tysonyoshi、IG@hinscheung