25歲KOL西童訴「胸大之苦」：會畀人話臭雞、淫蕩 精選 推薦

25歲KOL西童（梁西童）於12日播出的ViuTV節目《晚吹—戀講嘢》中，大呻胸大之苦，指自己因為身材而聽過不少閒言閒語：「啲人會話臭雞呀，會覺得你好淫蕩，係淫蕩嘅代表。」而女主持郭奕芯（Ashina）亦深感認同，表示：「胸大真係好慘㗎，我都唔想㗎大佬！」
▲Ashina（左）呻埋一份


查看西童IG，可見其穿衣風格性感，亦經常為自家胸墊背心泳衣品牌宣傳，照片非常養眼，吸引12.6萬粉絲追蹤。西童提到，自己讀大學時聽盡謠言，只是和宿舍的男同學外出飲酒，就會被傳與同學發生性關係。
西童有一名拍拖8年的男友，與朋友外出都會先向男朋友報備，更會講明：「你睇佢（男性朋友）個樣就知我唔會同佢有路啦！」強調兩人拍拖，非常講求互相信任。
不過，西童承認曾因謠言與男友出現信任危機：「成日都會聽到有女仔講『見到你男朋友，佢好好玩呀（好玩得）』。（有冇懷疑過？）都有一秒嘅，但一齊咗咁多年都信佢。」

對此，作為男性的193（郭嘉駿）提醒：「就係咁多年先悶，咩大嘢都見過，試吓啲細嘢先。」西童笑回：「你咁講完，今日返去要審問吓。」

資料&圖片來源：YouTube@ViuTV