「我老婆嫁左比Mirror導致婚姻破裂關注組」將永久關閉：你當鏡粉係ATM係水魚 精選

MIRROR將於7月在紅館舉辦12場演唱會，門票在上月31日以實名制形式公開開售，然而，售票系統運行不佳，導致眾多鏡粉無法順利搶飛，令歌迷怨聲四起。FB著名MIRROR粉絲群組「我老婆嫁左比Mirror導致婚姻破裂關注組」的版主亦因不滿是次演唱會安排，而宣布群組將永久關閉，事件轟動網民。

「我老婆嫁左比Mirror導致婚姻破裂關注組」於去年7月成立，擁有35.6萬名成員，一直以來不少鏡粉都會在群組中交流資訊及組織活動，然而，版主突然宣布停運，發文寫道：

引用

我對今次Mirror演唱會嘅安排感到極度不滿，為此，我宣布將會於Mirror演唱會後永久關閉「我老婆嫁左比Mirror導致婚姻破裂關注組」。感謝各位喺呢一年時間嘅關注及支持，同埋我兩位有咩事都撐我嘅Admin。
Mirror賣廣告，鏡粉衝住買哂佢
有Mirror卡抽，鏡粉一日三餐食老麥
Mirror出席活動，鏡粉早一日去排隊霸位
Mirror出新MV，鏡粉人肉loop到幾百萬view唔知為乜
Mirror出新歌，唔洗你比錢宣傳，佢地自己出錢出力搞應援
好喇，首個紅館演唱會
難買飛就預左啦，咁多人想睇
一睇個floor plan，喂黑洞咁嘅樣嘅？
比我嘅感覺係：
你眠乾睡濕養大個仔

想參加佢嘅畢業典禮
但，你要睇下好唔好彩先買到飛
一係你就幫襯校長個fd買份保險
一係就係canteen買24個月餐券
想坐靚位？買兩set丫
你地而加係將鏡粉對Mirror嘅愛綁架
你當鏡粉係ATM係水魚
錢係要賺，但食相唔係咁難睇掛
各位演唱會嘅主辦單位
你地係咪真係以為d鏡粉個個都幾億身家？
我地成日鬧黃牛
你地就自己做大黃牛
唔洗驚，今次實有人睇架
下次？唔知嚕
買唔到飛我無乜所謂

反正又唔係我睇
如果你唔知我嬲乜
你試下將上面「鏡粉」呢兩個字換做我老婆/我老母/我個女
咁可能會投入d

對此，不少網民感到震驚，鏡粉亦對群組感到不捨，但由於演唱會安排惹怒不少粉絲，網民理解版主的用意。

資料&圖片來源：FB@我老婆嫁左比Mirror導致婚姻破裂關注組、IG@mirror.weare