欣宜維持2年生酮飲食 腰圍勁減6、7吋：我係唔會為咗男人去減肥嘅！ 精選

鄭欣宜即將於下月在紅館舉行演唱會，日前她出席電台節目《口水多過浪花》接受鄭裕玲（Do姐）訪問，被問到是否為了新男友而減肥，欣宜立刻反駁：「鄭欣宜係唔會為咗男人去減肥嘅！」

從欣宜近照可見，她的身段fit了不少，原來欣宜這2年靠生酮飲食法，腰圍勁減6、7吋。她說：「斷斷續續維持咗2年生酮飲食，戒澱粉質同埋戒糖，因為媽咪有糖尿病，全家沈家人都係有糖尿病，我今年35歲喇，都好驚自己會有呢個問題，好彩暫時啲數字都非常靚！同埋另一個主要原因，係我好鍾意著靚衫。」
有指欣宜減肥是因為有新戀情而減肥，欣宜立刻反駁：「鄭欣宜係唔會為咗男人去減肥！如果為咗得到一段愛情，要減先得到嘅話，咁個男人唔值得擁有我嘅愛！」在旁的Do姐也和應：：「啱！講得啱！」
▲欣宜早前在IG低調放閃，挨著男友肩膀自拍

欣宜續說：「對於我嘅body image，我已經克服咗好多，其實我已經學緊愛自己多啲、同接受自己多啲。我而家唔可以話係最瘦最fit，但體能上同狀態上係最好。」
生酮飲食減肥對欣宜來說非常有效，不過她叮囑大家「唔好亂學」，因為每個人的身體都不一樣，最緊要還是將健康放在第一位。

資料&圖片來源：YouTube@商業電台 Hong Kong Toolbar、IG@princejoyce