不滿被Regen形容性格「直接」 前HotCha成員Winkie發長文反擊：組合嘅proposal idea都係我一個人做 精選 推薦

早前，前HotCha成員Regen（張惠雅）出席商台節目宣傳新歌《Wish You Were OK》時，提到以往在在HotCha活動時經常與團員發生爭執：「拗撬最多係同Winkie（黎美言），佢比較大剌剌，唔鍾意就會直接講，未必每個人頂得順佢性格。」Winkie聽到內容後，不滿Regen的說詞，直斥Regen「冇品」。
▲HotCha於2007年4月4日出道，成員包括Regen、Crystal（張紋嘉）及黎美言。2014年8月，HotCha拆夥

Winkie在IG寫道：「其實你過好自己人生，我覺得冇必要再喺你訪問度提起評論我，我哋已經係分開個體。因為對我來講，我都頂唔順你哋性格，人前人後一套，冇team spirit，全為自己私心。」Regen後來也在社交媒體發文承認自己「講嘢唔叻」，向Winkie致歉：「Winkie好多嘢都直接講出嚟，我係buy呢一套，OK佢呢個性格。」

Winkie昨日（26日）再次在IG發長文就事件做出總結，她表示這是她15年來第一次公開表達真正感受，亦是最後一次提及：

引用15年嘅第一次公開表達真正感受
亦係 『最後一次提及』。
唔需要再被逼官腔口吻

讓心靈真正自由
捍衛自己心靈感受、同為自己聲名取回一個公義
陰影放下 才去到人生下一個新旅程。

我會好好記着這個陰影 另我學懂一些事情 亦轉化成我的動力 努力創造未來

我明白我表達能力唔好
所以我先需要用直接嘅方式去同人溝通 唔識兜好多圈
但我從來冇傷害過人 我只想一齊做好件事努力工作、從來絕無私心、
組合嘅proposal idea 都係只係得我一個人做。

我會再嘗試學習很圓滑 去同人溝通
人嘅天性 往往會排斥一啲同自己唔同類嘅人 所以公平D 冇一邊會特別錯或者對
不要公開攻擊人就可以了
換位思考 你自己都唔想俾人咁樣對待自己

先感謝今日有咁多媒體來探我班
咁多年 我忍到就快不行了
15年忍耐力 絕不容易過

可能如果冇任何漣漪
我能夠一直忍落去

今日嘅報道我明白版位有限文字
其實有啲句子暫斷左
未能清楚表達我今日在埸講嘅
完整感受 我亦明白前文後理可能長
唔緊要 總之已經結束 明天是新一天

只係有一件事想特別澄清番
我自問沒有勇氣碰政治問題
政治很敏感 我從來沒有表態

網上大事宣傳我係某一種顏色 我再次強調我不是 NO !
網民拿的照片係發生係政治運動前
不同機構邀請我去鼓勵年青人講創業講座⋯⋯

我純粹係一個藝人嘅身份被邀請出活動。當政治一敏感 我就已經沒有去
有些活動會選擇拒絕
希望大家不要再自己幻想一些事情
然後再拖我落水

我係一個需要養家嘅人
好簡單 我淨係做好我本分
經理人公司幫我接工作 我就用藝人身份去工作 如此簡單。

Bye Bye 過去
明天真正！是全新的人生旅程！#新一天新開始
利申：我仍然有興趣自己一個人唱番組合嘅歌 送俾錫我嘅粉絲
因為呢個係我同我親愛嘅歌迷嘅一個回憶

大家鍾意諗多咗 冇辦法控制
我很愛這個組合品牌及所有歌曲
我一直單方面好愛 大家明白未？
這個回憶係屬於我同我嘅歌迷
當年我同Fans喺blog 到互相回信、互相傾偈
永遠記得so sweet
So Supportive! 你哋喺我心目中最棒嘅Number 1 ! 呢件事唔係必然、所以我一向好要珍惜～
就算將來我開個人嘅show
我都會唱組合嘅歌
因為我喺呢度出生成了我
不用消費 本身已經係呢個組合
陪我到80歲仲會提

資料&圖片來源：IG@winkielaimy