陳志雲（Stephen）YouTube頻道昨晚（7日）推出的一集《Stephen．傾》，請來女團COLLAR做嘉賓，深入探討每位成員的成長故事。全集長達2小時，內容非常豐富，當中人氣王Marf（邱彥筒）更罕有說起自己以往在校園被欺負的往事... ...
被說到英文名字很特別，Marf回應：「其實我英文名全寫係『Marife』，呢個名係我媽咪嘅姑姐改嘅，好似係阿拉伯文嚟，近呢兩年識咗我嗰班菲律賓朋友之後，就發現原來菲律賓好多人叫『Marife』，所以成日有人問『Are you Filipino？』（你係咪菲律賓？），但其實我唔係。」
談到自己中三轉學到香港兆基創意書院讀書的經歷，Marf指自己其實曾在校園遇到冷暴力和言語上的欺負，令她非常不願意上學：「當時因為喺校園遇到唔愉快嘅事，自己覺得唔舒服，所以就想轉環境，嗰時同屋企人講好唔開心、好大壓力。」雖知中三轉學有風險，因為中四就要為DSE選科，但Marf知道兆基有好多科目可以選擇，當中包括她喜歡的表演藝術、畫畫、平面設計、影片剪接等，而家人也支持她跟隨自己的興趣去學習。
另外Stephen問到Marf早前在IG大罵「V編輯（某雜誌主編）討厭和挑戰到Marf底線」的事情，Marf解釋是自己「低能」：「其實係我自己諗住寫事記，嗰次趕住拍嘢撳錯制post咗（去IG story）。」她表示當時感到擔心，怕會影響到團隊，但知道「唔撳都撳咗」，起碼汲取了教訓，以後不會亂發洩情緒。
▲Marf在IG限時動態公開罵某雜誌主編
資料&圖片來源：YouTube@志雲頻道 stephenchannel、IG@_marifemarife_
被說到英文名字很特別，Marf回應：「其實我英文名全寫係『Marife』，呢個名係我媽咪嘅姑姐改嘅，好似係阿拉伯文嚟，近呢兩年識咗我嗰班菲律賓朋友之後，就發現原來菲律賓好多人叫『Marife』，所以成日有人問『Are you Filipino？』（你係咪菲律賓？），但其實我唔係。」
談到自己中三轉學到香港兆基創意書院讀書的經歷，Marf指自己其實曾在校園遇到冷暴力和言語上的欺負，令她非常不願意上學：「當時因為喺校園遇到唔愉快嘅事，自己覺得唔舒服，所以就想轉環境，嗰時同屋企人講好唔開心、好大壓力。」雖知中三轉學有風險，因為中四就要為DSE選科，但Marf知道兆基有好多科目可以選擇，當中包括她喜歡的表演藝術、畫畫、平面設計、影片剪接等，而家人也支持她跟隨自己的興趣去學習。
另外Stephen問到Marf早前在IG大罵「V編輯（某雜誌主編）討厭和挑戰到Marf底線」的事情，Marf解釋是自己「低能」：「其實係我自己諗住寫事記，嗰次趕住拍嘢撳錯制post咗（去IG story）。」她表示當時感到擔心，怕會影響到團隊，但知道「唔撳都撳咗」，起碼汲取了教訓，以後不會亂發洩情緒。
▲Marf在IG限時動態公開罵某雜誌主編
資料&圖片來源：YouTube@志雲頻道 stephenchannel、IG@_marifemarife_
請按此登錄後留言。未成為會員? 立即註冊