黃偉文IG出po鬧Paco旗下出歌常擅改歌名 點名楊千嬅《MR.》：離題到爆又老套 精選

剛於《2021年度叱咤樂壇流行榜頒獎典禮》奪「填詞人大獎」的Wyman（黃偉文）昨日在IG出po，直斥「Paco（黃柏高）旗下好多好多首粒聲唔出自己求X其改個歌名到出咗街我先知嘅歌之一」，點名指當年由他填詞的楊千嬅《MR.》一曲歌名被擅改得「題到爆又老套」。

Wyman repost 「Michael Dumontier & Neil Farber」的畫作，畫上寫著「I Love You Just About The Way You Are」（我就是愛你本來的樣子），並引用楊千嬅《MR.》的歌詞「可想過你那弱點，就是我剛剛想要」發文斥：「其實問吓我先都係一個電話啫又有幾難呀，如果我唔係每一個字都執著要撚到最好先見人我就唔應該做填詞人啦，唔好立亂改我啲嘢，更何況係歌名。呢啲咪叫唔尊重囉，所以唔好郁作家嘅心血，否則真係記你一世。」

Wyman作為填詞人寫歌無數，其實也不是第一次遇到這種事，有網民好奇《MR.》原名是甚麼，但Wyman未有回覆。

資料&圖片來源：IG@concertyy