TVB、港台4月3日合辦《金曲頒獎典禮》疑撞期《拉闊音樂會》 邀MIRROR出席記招遭拒：覆咗話好忙 精選

昨日無綫（TVB）及香港電台在將軍澳電視城舉行記招，宣布今年將於4月3日首次合辦《香港金曲頒獎典禮2021/2022》。對於是次兩台合辦樂壇頒獎禮，不少人都非常關注ViuTV藝人MIRROR和ERROR會否出席。

記招上不見MIRROR和ERROR的蹤影，TVB總經理（節目內容營運）曾志偉受訪時表示：「我哋點會冇請（MIRROR和ERROR）？不過佢哋忙，佢哋覆咗我哋話劇組好忙，要拍戲，咁就冇辦法。」

曾志偉表示：「只要大家唔係要拍戲、開工，佢哋都會參與，咁先係一件盛事。廣東歌以前嘅地位好高，點可以重拾以前嘅光輝，最緊要係自己人都認同，大家支持先可以做得到。」

有傳頒獎禮將與MIRROR成員Anson Lo（盧瀚霆）和鄭欣宜的《拉闊音樂會》撞期，港台顧問（節目）何重恩表示歌手獲獎和出席與否是兩回事，曾志偉就指過去也有歌手在演唱會現場奪獎的例子。

圖片來源：YouTube@TVB (official)、IG@mirror.weare